Oqaatsit Inuusuttut oqaasii naqqinneqartartut
Nunatsinni inuusuttut kalaallisut oqaluttarnerat avoqqaariniarneqartarpoq, inuusuttullu oqaluttut naqqissorneqalertarlutik. Naqqissuisarneq tunngavissaqartinneqaraluarluni aammali eqqarsarnartoqartinneqartoq, Ilisimatusarfimmi ilinniartoq Vivi Noahsen isumaqarpoq.
![](/sites/default/files/styles/image_934x467/public/article_images/vivi_noahsen_2.jpg?itok=hmNhOlSi)
Skrevet af Nathan Kreutzmann
Kalaallisut oqaatsivut ukiut ingerlaneranni allanngoriartortutut oqaatigineqartarput, inuusuttullu oqalukkaangata naqqissorneqartarlutik.
Vivi Noahsenip inuiaat piorsarsimassusaat oqaluttuarisaanerlu Ilisimatusarfimmi ilinniarpai, ilaannilu oqalutsilluni naqqinneqartarpoq. Naqqinneqartarninilu iluaqutigivallaarneq ajorpaa:
- Soorlu uanga tigusarsimavara nakkarsaatitut, soorlu "ilikkarniaruk!"-mik nipeqaraangata. Uanga iluaqutigisarsimanngilara, naluara allat qanoq tigusarsimaneraat, Vivi Noahsen oqarpoq.
Oqaatsivut pillugit unnugu Qanoruumi sammisaq takusaqarfigisinnaavat.