Innermik anitsinngujoortoq
13. maj 2006 17:00
Indonisiamiittoq innermik anitsisartoq Mount Merapi innermik anitsinngujoorpoq. Ullumilu inuit 1000-likkaat tamatuma eqqaaniit qimagussortinneqarput. Innermik anitsinermik ilisimasallit oqarnerat naapertorlugu, tassa ungasinngitsukkut innermik anitsisussaassaaq.
Tamatuminngalu suliallit siuttorisaata nutaarsiassaqartitsivimmut Reutersimut oqarnera naapertorlugu, innermik anitsisartoq anitsillattaalereersimavoq, oqaatigineqarsinnaannginnerarpaali qaqugorpiaq innermik anitsivikkumaarnera.