Allakkatigut taasinerit eqqartoqqinneqassanngillat
Kommuneqarfik Sermersuumi allakkatigut taasinerit periarfeerunneqarsimasut pillugit suliaq Qinersinermut Ataatsimiititaliamit matuneqarpoq.
Skrevet af Peter Troelsen, Simon Uldum
Ataatsimiititalap suliaq tuaviortumik ippassaq suliaraa, allakkatigullu taasinerit 41-sut qinersinerup inerneranik allanngortitsinngitsut inerniliissutigalugu.
Oqaluttuarineqareersutut allakkatigut taasinerit 41-t Nuummi Innuttaasunik sullissivimmi puigorneqarsimapput.
Qinersinerup inerneranut sunniuteqannginnissaat kommunimit erngertumik naqissuserneqarpoq. Qinersinermulli Ataatsimiititaliaq isumaqarpoq suliaq ima ilungersunartigisoq, aamma ataatsimiititaliamit suliarineqartarianqarluni.