Naalakkersuisunngortitsiniarluni isumaqatigiinniarnerit suli ingerlanneqarput, toqqammavissallu inissitassat ilaat suli inissinneqanngillat. Isumaqatigiinniarnermi immersugassap aqagu naammassineqarsinnaanissaa ilimagigini, Siumut isumaqatigiinniartitaata aappaa Jonathan Motzfeldt naliliivoq. Atassutip siulittaasua Finn Karlsen isumaqataasoq oqarpoq, annikitsualuit inissinnissaat kisinngoruttoq.
- Isumaqatigiinniarneq ingerlalluarpoq, isumaqarpungalu isumaqatigiinniarnerit ingerlalluaqqaarlugit, erseqqarinnerusumik avammut nalunaaruteqassalluta.
Aamma Atassummit isumaqatigiinniartitat isumalluarput.
- Isumaqatigiinniarnerit isumalluarfigaagut, ajornartorsiutitaqanngitsumillu ingerlavugut, Atssutip isumaqatigiinniartitaa Steffen Silassen oqarpoq.
Naalakkersuisunngortitsinissaq pillugu isumaqatigiinniarnerit ullaap tungaani aqqanermut aallartittut, ulloqeqqata tungaanut ingerlanneqarput. Tamatuma kingorna pingasuniit nangeqqinneqarlutik.
Isumaqatigiinniarnerit aqagu aqqanernut nangeqqinneqassasut, Jonathan Motzfeldt oqarpoq.