33-nik kiattumi inuiattut ullorsiorneq

21. juni 2005 03:25

Kalaallit Nunaat sinnerlugu Koreami kujallermut IWC-mut aallartitat, inuiattut ullorsiornertik akunnernik aqqanilinnik siusinnerusumik aallartippaat. Koreami kujallermi, Ulsan-mi kiassuup ataani 33-nik kiattumi, Kalaallit inuiattut ullorsiornerat malunnartinniarneqassaaq.

- Eqqumiippoq inuiatut ullorsiorluni Syd Koreami. Maani kalaalerpaaluulluta ulloq nuannersumik atorniarumaarparput. Suli pilersaaruteqanngikkaluarpugut qanorpiaq ullorsiornerput malunnartinniarnerlugu, kisianni IWC-mi ataatsimeersuarneq ullaaq aallartippoq, ullullu ingerlanerani inuiattut ullorsiornerput malunnartinniassavarput.

Ualigaa IWC-mi ataatsimeersuaqataasut nunanit allaneersut Kalaallit inuiattut ullorsiornerat ilisimanngilaat, Rasmus Frederiksen-lu oqarpoq oqalugialeruni inuiattut ullorsiornerput nalunaarutigiumaarlugu.

Kalaallit Nunaata IWC-mut aallartitaat arfiniliupput, Aalisarnermullu Naalakkersuisup Rasmus Frederiksen-ip Kalaallit Nunaanni innuttaasut tamarmik inuiattut ullorsiorneranni Koreami kujallermiit pilluaqai.

Hvis du har fundet en fejl i artiklen, kan du skrive til os her.

Læs også