Qaasuitsup Kommunia atornerluisunik katsorsaaneq pitsaanerusoq
Inuusuttunut inuiaqatigiinni kalaallini peroriartortunut ussernartorpassuaqarpoq. Imigassamik atuinerput pitsaasuunngilaq hashimillu pisinissamut ajornanngippallaaqaaq., pingaartumik illoqarfinni anginerusuni. Aammattaaq internettikkut aningaasanoorsinnaanissamut periarfissat ukiuni kingullerni amerleriapiloorsimapput. Tamakkulu atornerluisuit amerlinerannik kinguneqarput.
- Imerajuttup, ikiaroorajuttup aningaasanoorajuttullu inuiaqatingiit sorlaasingut mangiarpai, pitsaanerusumik ineriartorsinnaaneq kingaallatsillungu taamaammat ukiuni tulliuttuni anguniarneqartariaqarpoq Qaasuitsup Kommunea-ni inuk kinaluunniit ajornannginnerusumik katsorsarneqarnissaa, taamaaliornitsigut inuiaqatingiinni pitsaanerusumik ineriartoqqinnissatsinnut tunngavissangut annersaqqissangingut isumaqarpunga, Kristian Jeremiassen nassuiaavoq.
Kommunip tungaanit inuit atornerluisuusut katsorsarneqarnissaannut sinaakkusiisoqassaaq. Aammattaaq kommunalbestyrelsi periusissanik suliaqassaaq, kinguariit nutaat kinguaariit siuliisa kukkussutaannik uteqqiinnginnissaat anguniarlugu.
- 1,6 mio. kr.-inut inuit 104-it missai katsorsarneqartarput apeqqutaalluni qaammatit qulaaluaanersut imaluunniit qaammatit arfinillit katsorsarneqarnersoq, taamaammat isumaqarpunga ukiuni tulliuttuni katsorsartittartut 104-inik amerlanerusariaqartut kikkulluunniit katsorsarneqarnissaminnut periarfissangissaaqqullungit. Anguniarpara aningaasaliissutaasartut anguniarneqassasut ukiumut 800.000 Kr.-inik ilaneqassasut taamaalilluni katsorsartittussat ukiumut 50-it missaanik ilaqqissasut, aningaasanilli pisariaqartitsineq aallaavingalungu ilaneqaqqinnissaat oqaloqatinginninnissamut soorunami ammavunga, Kristian Jeremiassen neriorsuivoq.
