Immikkut ilisimasalik: Aleqa uummatinut oqaluppoq - Kuupik qaratsamut
- Aap, isumaqarpunga, Aleqap tunngavilersuutigisami ilaanni erseqqarinnerusunik saqqummiussisartoq. Aamma tunniussassaqarnerorpasippoq piareersimanerusutullu saqqumiiluni, naalakkersuineq pillugu ilisimatuutut ilinniarsimasoq, Maria Ackrén Ilisimatusarfimmi inuiaqatigiilermut ilisimatusarfiup aqutsisua taama naliliivoq.
Kuupik Kleist paarlattuanik qarsupinnerulluni saqqummiisoq, Maria Ackrén naliliivoq.
- Kuupik takorluukkanik tamakkiinerusunik qarsupinnerusunilu oqaluppoq, pineqartut iterngi pivallaarnagit. Pineqartuni ataasikkaani tunngavilersuutai sanngiinnerulaarput, Maria Ackrén oqarpoq.
Naalakkersuinermut pissutsinik ilinniaqartuup Jakob Janussen-ip oqallinneq malinnaafigaa, taassumali kina ajugaanersoq nalileruminaatsippaa
- Arlaannaalluunnit pillugu oqartoqarsinnaanngilaq "taanna" torrallaavallaanngilaq arlaat aapparmininngaaniit ajunnginnerujussuarmik ingerlavoq aapparmininngarnit, Jakob Janussen oqarpoq.
Partiilli siulittaasui marluk tamarmik nammineq periaatsiminnik torrallaapput.
Soorlu naggasiillutik oqaaseqarnerinerminni Aleqa Hammon-ip peroriartunini pillugu oqaasia qinersisartunit tigulluarneqarsimanissaa Jakob Janussen-ip eqqoriarpaa.
Aleqa Hammond meeraalluni alliartornermini pissarissaanngikkaluarlutik toqqissisimasumi angerlarsimaffeqarluni peroriartornerminik eqqartuinera, qinersisartut arlaqartut uummatimikkut attortissutigisimassagaat Jakob Janussenip qularutiginngilaa.
Jakob Janussen isumaqarpoq, Aleqa Hammond aallaqqaammut eqqissisimanerusoq nalinginnaasumk aporaassutaasinnaasunik saqqummiussaraluarluni.
Tunngavilersuutit atorsinnaasut pillugit Kuupik Kleist siuttuusoq Jakob Janussen isumaqarpoq.
- Aalisakkat qaleruallillu qalluinnarsinnaanngilagut eqqarsaatiginagu nungussinnaanissaat ikileriarujussuarsinnaanissaallu, Kuupik Kleist TV-ikkut oqallinnermi taama oqarpoq taassumalu Aleqa Hammond aperiviaa, qinigassanngortittut ilaata Aleqa Hammond-ip parteeqataata qalerallit amerlanerusut aalisarneqarnissaanik kissaateqartoq.