CO2-mik aniatitsineq coronavirusip nunarsuarmi tunillaassuunnerani annikillingaatsiartoq
CO2-mik aniatitsineq coronavirusip 2020-mi qaammatini arfinilinni siullerni tuniluunnerani killersuisoqarnerani annikillingaatsiarpoq.
Nalitsinni oqaluttuarisaanermi aatsaat taama annikillitigaaq. lisimatusartut nunanit tamalaaneersuit misissuinerminni tamanna isummiuppaat.
CO2-mik 2020-mi qaammatini arfinilinni siullerni angallannermit aniatitsineq siorna taamaalinerani aniatitsinermit 40 procentinik annikinnerusoq, ilisimatuut paasivaat.
AAMMA ATUARUK CO2-p aniatinneqartup ikinnerpaamik 55 procentinik annikillineqarsimanissaa EU-p anguniagarigaa
Ilisimatuut CO2-mik angallannermit nukissiuuteqarnermillu aniatitsinerit pillugit paasissutissat nunarsuarmi illoqarfinni 400-nit amerlanerusuni katersat isummiussinerminnut tunngavigivaat.
CO2-millu aniatitsineq nalitsinni oqaluttuarisaanermi aatsaat taama annikillisimatigisoq, ilisimatuut paasissutissat katersat tunngavigalugit inerniliipput. Mingutsitsinerli juulimi qaffaqqissimasoq, illanngullugu ilisimatitsissutigaat.
Tamanna nunani assigiinngitsuni killilersuinerit coronavirusip tuniluuppiarunnaarnerani qasukkarneqarnerannik peqquteqarpoq.
AAMMA ATUARUK CO2-mik aniatitsineq coronavirusip ajornartoortitsinerani 17 procentimik annikilleriartoq
Inammik angallannermit, nukissiuuteqarnermit timmisartuniillu aniatitsinerit 2020-mi qaammatini arfinilinni siullerni annikkeriarsimasut, ilisimatuut oqarput.
Tamannalu silap pissussiata allanngoriartorneranut iliuuseqarniarnerunnaataanavianngitsoq, ilisimatuut aalajangiusimallugu oqarput.