Ane Lone Bagger uippakajaarnini pissutigalugu marsip qaammataani ulluni 14-ini sulinngiffeqarallarsimavoq.Foto: KNR

Ane Lone Bagger naalakkersuisunit tunuartoq

Ane Lone Baggerip peqqissusini ilaquttanilu salliunniarpai. Taamaammat naalakkersuisuujunnaarpoq.

Ane Lone Bagger (S) nammineq kissaatigisaa aallaavigalugu Naalakkersuisunit tunuarpoq.

- Tunuarnissamik aalajangerniarnera oqimaassimaqaaq, taamaattorli peqqinnissara ilaquttakkalu salliutinniarlugit aalajangerpunga, Ane Lone Bagger oqarpoq.

Ane Lone Bagger uippakajaarnini pissutigalugu marsip qaammataani ulluni 14-ini sulinngiffeqarallarsimavoq. Tamatumali kingorna naalakkersuisut uteqqippoq - uteqqinnerali tamaannga killeqarpoq.

Naalakkersuisutut ivertinneqarninnut tatigineqarnera qujassutigerusuppara politikikkullu suleqatigisimasakka aamma qujaffigerusuppakka, Ane Lone Bagger tusagassiuutinut nalunaarummi oqarpoq.

- Minnerunngitsumik sulisut suleqatigisimasakka tamarluinnaasa qamannga pisumik qutsavigerusuppakka, ilinniartitaanermut, kultureqarnermut ilageeqarnermullu maanna naalakkersuisuusimasoq oqarpoq.

LÆS OGSÅ Ane Lone Bagger efter stress: Jeg opdagede det ikke selv

Ane Lone Bagger 2018-imi oktobarip tallimannili naalakkersuisuulerpoq.

Siulittaasup, Kim Kielsenip (S) Ane Lone Baggerip tunuarniuteqarnera uggoraa:

- Ataqqivara Ane Lonep peqqinnissani ilaquttanilu pillugit tunuarniuteqarluni aalajangiinera, naak naalakkersuisutut suleqatigiunnaarnissaa assut uggorigaluarlugu. Ane Lone-mut oqarusuppunga qamannga pisumik qujanaq sullissilluarsimanernut, aammalu siunissami ajunnginnerpaanik kissaappakkit.

Ilinnairtitaanermut, kultureqarnermut ilageeqarnermullu naalakkersuisoqarfik ineqarnermut attaveqaqatigiinnermullu naalakkersuisumit Karl Frederik Danielsenimit akisussaaffigineqarallassaaq.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt