Aningaasarsiornikkut ajornartorsiorneq GrønlandsBankip maanna qaangerpaa

Ukiumoortumik 2009-mi nalunaarusiami takuneqarsinnaavoq akileraarutit peertinnagit 100 millionit koruuninik GrønlandsBanken sinneqartooruteqartoq.

24. januar 2010 14:01

Aningaaseriviup qaammatit pingasukkaarlugit siorna naatsorsuutai eqqarsaatigalugit sinneqartoorutit ilimagisamit 20 millionit koruuninik amerlanerupput.

Aningaaseriviup taama naligiissaarinera børsimit naatsumik nalunaarutigineqarpoq. Nalunaarummi allassimavoq, issuaaneq aallartippoq: "Tunuliaqutaavoq aningaaseriviup aningaasaataasa aningaasat nalinginik naleqqussaanerit pitsanngornerusimammata. Taamaalilluni akileraarutit peertinnagit 2009-mi 98-101 millionit koruunit missaannik sinneqartoorsimavugut". Issuaaneq naavoq.

Aningaaserivimmi siulersuisut siorna qaammatit pingasukkaarlugit naatsorsuutiminni ilimagaat 2008-mi angusanit 10 procentit 20 procentillu akornanni annertunerussasoq. Akileraarutit ilanngaatigitinnagit 2008-mi 71,8 millionit koruuniupput.

2009-mi ukiumoortumik naatsorsuutit pilersaarutit malillugit februaarip ulluisa 17-ianni saqqummiunneqassasut GrønlandsBankimit nalunaarutigineqarpoq.

Din mening er vigtig for os. Vi modtager gerne ris eller ros om denne artikel.