Politikki

Enok Sandgreen borgmesterinngussaaq

Qaasuitsoq Kujallermi Enok Sandgreen Siumumeersoq Ikaarsaariarnermut Ataatsimiititaliami siulittaasunngussaaq. Naja Petersen isumaqatiginninniarnermi oqimaaloqutaasimavoq, taamaasillunilu Siumut suleqatigissallugu aaliangiussimallugu. Ikaarsaariarnermut Ataatsimiititaliami siulittaasoq borgmesterinngortussaavoq.

Allattoq Nûno Isbosethsen

apriilip 07-at 2017 15:26

Allaaserisaq nutarterneqarumaarpoq...

Enok Sandgren Siumumeersoq Qaasuitsoq kujallermi borgmesterinngussaaq. Ane Hansen Inuit Ataqatigiinneersoq qinerneqarnerugaluarpoq, aamma sandgreenip parteeqataa Jess Svane qinerneqarnerulaaraluarluni.

Taamaasilluni Enok Sandgreen bormesterinngoqqippoq, siornatigummi Aasianni borgmesteriunikuuvoq. 2005-imi Enok Sandgreenip Ane Hansen borgmesterinngunngitsoortinnikuuaa. Sandgreen IA sinnerlugu qinigassanngorteriarluni Siumumut nuunnermigut borgmesterinngornikuuvoq KANUKOKA-milu siulittaasunngorluni.

AAMMA ATUARUK Qaasuitsup akiligassaq akilissavaa

Qaasuitsup Kommuniata avinniarneqarnerani Enok Sandgreen siuttuunikuuvoq. Avinnissarlu aningaasatigut ajornartorsiutissartaqanngitsutut isigalugu.

- 10 millioninnguit massakkut suunngingaaramik asuli oqaluttuaannaapput, akilissavagut, Sapinngilagut aamma artorsaatissaanngilaq aningaasat taama ikitsigisut, Enok Sandgreen oqarnikuuvoq.

KNR-ip Ane Hansen oqaloqatigeqqammerpaa, inuttaatalu borgmesterinngortoqalernera ilisimasaqarfiginngilaa.

Enok Sandgreenip Naja Petersenillu aalajangerneq KNR uppernarsarpaat.

Enok Sandgreen borgmesterinngussaaq

Aamma atuaruk