Foto: Qaasuitsup Kommunia

Qulaarpaa Avinnerup iluaqutaanissaa qularnartoq

Qaasuitsup Kommuniata avinneqarnissaa innuttaasuniit politikeriniillu kissaatigineqarpoq. Avinneqarpalli iluaqutaanissaa qularnartoq, BDO-p nalunaarusiaani erserpoq

Kommunerujussuanngortitsinerup kingunerisaanik qanimut oqartussaaqataaneq sanngiillisimavoq. Tamannalu Qaasuitsup Kommuniata iliuuseqarfigalugu kommuni avikkusuppaa.

Taamatullu aalajangerneq oqitsuinnaanavianngilaq akikinnaviaranilu. Qaasuitsummi Kommunia aggulunneqassappat avannaani innuttaasunut annertuumik kingunerlutsitsisinnaasoq, BDO-p nalunaarusiaani erserpoq. 

Politikerit akissarsiassaat allaffissornerlu akisussapput

Qaasuitsup Kommunia avinneqassappat innuttaasunut piitsunnguallatsitsisinnaavoq, sullinneqarnerallu pitsanngornaviarani. 

Paasissutissat

Qaasuitsup Kommunia avinneqassappat allaffissornermut politikerillu aningaasarsiaanut aningaasartuuteqarnerulissapput. 9,4 millionit koruunit 20,9 millionit koruunillu akornanni akeqassasoq BDO-p nalunaarusiaani allassimavoq. 

 

Tamanna isumaqarpoq innuttaasoq ataaseq 5.267 koruuniniit 6.443 koruunit missaanut akileraarnerusalissasoq.

 

Tamannali akisunerulersinnaavoq, akileraartartut innuttaasuniit akinnerummata.

BDO-p nalunaarusiaa naapertorlugu avinnermi ukiumi siullermi 15,8 millionit koruuninik akeqassangatinneqarpoq, tamannalu pereerpat ukiumut 9 millionit koruunit 20 millionit koruunillu akornanni akeqassangatinneqarpoq. Taakkulu aningaasarpassuit politikerit aningaasarsiaanut allaffissornermullu nakkartassapput.

 

Qaanaamiit Ilulissanut suli ungasissaaq

Aningaasalli millionerpassuit aningaasarpassuunngitsut, politikerit oqartussaasut isumaqarput.

- Una avissaarneq akikitsuaraasussaavoq aamma naatsorsuutiginngilara taama akisutigissasoq, Qaasuitsup Kommuniani ataatsimiititaliami siulittaasoq, Enok Sandgreen oqarpoq.

 

Taassumalu erseqqissarpaa kommunerujussuarmi sullissineq ajorneruliinnarsimasoq, illoqarfiillu imminnut ungasinnerat aamma pitsaasimanngitsoq.

Paasissutissat

Illoqarfiit imminnut ungasinnerat ajornartorsiutaasartoq oqaatigineqartarpoq. Qaanaamili, Upernavimmi Uummannamilu innuttaasut ungasissuseq suli ajornartorsiutigissavaat, kommunerujussuarmi avinneqassappat allaffissorneq Ilulissaniiginnassammat. 

Siunnersuutit politikeriniit malunneqanngillat

Kommunit kattussuunneqarnerani qanimut sullissivimmik innuttaasut saaffigisinnaasaannik illoqarfinni nunaqarfinnilu tamani peqarnissaa pingaartinneqarpoq, tamannalu piviusunngorsimanngitsoq, nuna tamakkerlugu pilersaarusiami saqqummersumi erserpoq.

Taakkulu eqquutsinnissaanut politikerit kommunimilu ataatsimiititaliami siulittaasoq Enok Sandgreen akisussaasuugaluarput. 

Sullissinissamullu tunngatillugu BDO akissutissaqarpoq. Qaasuitsup Kommunia avinneqassappat sullissineq sanngiillineruinnassaaq, sulisussaqarniarnikkut ajornartorsiutaareersut ajorneruliinnassapput, kommunillu mikinerit tamanna kivissinnaanavianngikkaat nalunaarusiami allaqqavoq. 

Aningaasartuutit amerlanerulissasut, sullisiineq ajorneruliinnassasoq, tamallu oqartussaaqataanerat ilumut pitsaanerulissanersoq qularnartoq, nalunaarusiami erserpoq. Sooq Qaasuitsup avinneqarnissaa isumassatsialaava?   

Qulaarpaami sisamanngorpat Qaasuitsup Kommuniata avinneqarnissaa oqallisigineqassaaq. Taakkulu apeqqutit politikerit akissavaat.

 

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt