VIDEO Ernisussiortup naartuersittarneq pinaveersaartinniarlugu angajoqqaat peqatiserai

Naartusut marluugaangata ataaseq naartuersittarpoq. Kisitsisilli malissagaanni ukiuni kingullerni naartuersittut ernisunit amerlanerusimapput.

Kisitsisit kingulliit takutippaat 2013-imi 820-t inunngorsimasut naartersinnerit 873-iusut. Tassa naartersittut 50-inik amerlanerupput. Ukiuni siuliini inunngortut naartuersittullu amerlaqatigiiginnangajassimapput, ukiullu sisamat matuma siorna inunngortut naartuersittunit amerlanerullutik.

Taamaattoqarnera aviisip Atuagagdliutit allaaserisaani atuarneqarsinnaavoq, Nuummi Dronning Ingridip Napparsimmavissuani misissuinerup takutippaa, arnanit aperineqartunit qulinit arfineq marluk kissaatiginngisaminnik ataasiarlutik arlaleriarlutilluunniit naartulersoorsimasut.

Naartuersittut taama amerlatigimmata ernisussiortup Margrethe Krusep pinaveersaartitsinermi periuserineqartartut apeqquserpai.

- Eqqarsartarpunga immaqa periaaserput naammanngilaq. Kisiannilu aamma eqqarsarnartarluni: taamalu iliuuserput annertoreertigisoq kisiannilu naartuersittarnerit taama amerlatigisut, Margrethe Kruse KNR-imut oqarpoq.

Aamma atuaruk VIDEO Syfilis qaammarsaanikkut illersuuteqarnikkullu akiorniarneqassaaq

Pinaveersaartitsinermilu angajoqqaat peqataasariaqalersut, ernisussiortoq isumaqarpoq.

- Kaammattuisinnaagaluarpugut immaqa aamma angajoqqaat qaaqqusarlugit, piffissaq imaasippat atuartitsissuugut, taava angajoqqaat kissaatiginarput ilaanissai, pissutigalugu angerlarunik eqqartoqqissinnaaniassagamikkit, Margrethe Kruse siunnersuuteqarpoq.

Aammali ernisussiortut suleqataarusukkaluarput.

- Uagut aamma akoorusoqaagut, ilinniartoqarfiit tikikkusoqaagut, qaammarsaarusoqaagut kisianni assassaqanngilagut, oqarpoq.

Sapaatit akunneri aqqaneq marluk tikillugit naartusut naartuersissinnaapput. Naartoq sapaatit akunnerisa arfineq pingajuanniileraangami 5,5 cm-risut angitigisarpoq. Sapaatillu akunneri sisamat qaangiunnerini inuttut isikkoqapajaalereersarpoq.

Aamma atuaruk Peqqinnissaqarfik: Illersuuteqaratik atoqatigiittartut amerlavallaarput

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt