SAR-operation: Angut angallamminik ajornartorsiorluni qeqertamut niusariaqarsimavoq
Kalaallit Nunaanni Politiit Mittarfeqarfiillu angut qeqertamut niusariaqarsimasoq ikiorniarlugu arfininngornermi ullaakkut ulapipput.
Kalaallit Nunaanni Politiit KNR-imut taama paasissutissiipput.
Angut Sisimiuniit arfininngornermj ullaakkut aallarnermi kingorna motooria unittoorsimavoq, qeqertamullu talissimalluni.
Qanoq ililluni angut qeqertamut talissimanersoq politiit paasissutissiissutigisinaanngilaat, angut politiinit suli oqaloqatigineqanngimmat. .
- Politiit ullaaq arfineq pingasunut tanneq qulingiluanngortoq nalunaarfigineqarput, kingornalu politiit angallataat qeqertamukartinneqarluni, Kalaallit Nunaanni politiini pigaartoq Bjørn Bjerregard taama oqarpoq.
- Politiit angallataat qeqertamut talissinnaasimanngilaq. taamaattumik Mittarfeqarfiit ikiunissaminnik neqerooruteqarput mittarfeqarfiillu gummibådiat atorlugu angut qeqertamiittoq ullaaq qulinnngorluinnartoq gummibådimut ikineqarpoq, Bjørn Berregaard oqarpoq.
Angutip angallataa aalisartunit arlalinnit Sisimiuliaanneqarpoq.