Qujakitsoq: Eqqartuussut tusaatissatut tiguarput
- Eqqartuussisoqarneranut toqqammaviusut Naalakkersuisuniit suli tigunikuunnginnatsigit annerusumik oqaaseqarsinnaanngilanga, Vittus Qujaukitsoq oqarpoq.
Aamma atuaruk PITUFFIK GC-p pisortaa: Taava politikerit sulisussanngorput
Taassumalu eqqaartuussut piffissami qaninnerpaami misissorniarpaa, takuniarlugu aalajangiineq ingerlateqqinneqarsinnaanersoq, tassalu erseqqissarlugu suliaq suli naammassineqanngitsoq.
- Suliap maalaarutigineqarnissaanut suli periarfisssaqartoqarsinnaanera ilimagisariaqarmat, suliap eqqartuussivitsigut qanoq ingerlateqqeriarnissaa aamma mianerisassanut ilaasussaammat. Kisianni taamatut oqareerlunga
Naalakkersuisuniit qanoq eqqartuussisoqarsimanera ilisimaleriarutsigu politikkikkut iliuuserisassanik assigiinngitsunik isumaliutersuuteqarpugut, naalakkersuisoq oqarpoq.
AAMMA ATUARUK Pituffimmi kiffartuussinissamik isumaqatigiissut danskit suliffeqarfiutaasa annaavaat
AAMMA ATUARUK ATAATSIMUT ISIGALUGU Pituffimmi kiffartuussinissamik isumaqatigiissutip annaaneqarnera
Aalajangernerli nangeqqitassanngortinneqanngippat, Vittus Qujaukitsoq suliariumannittussarsiuussinerup atoruunnarsinneqarnissaanik piumasaqarniarpoq.
- Suliap aallaqqaataaniilli pilerneranit ersarissumik oqariartuutiginikuuarput, suliariumannittussarsiuussineq nutaamik pisariaqartoq. Taamaattumik inissisimaffipput allannguuteqarnikuunngilaq, nunanut allanut tunngasunut naalakkersuisoq Vittus Qujaukitsoq oqarpoq.
.