Assi: Paul Bast/Flickr Creative Commons

ATAATSIMUT ISIGALUGU Pituffimmi kiffartuussinissamik isumaqatigiissutip annaaneqarnera

Pituffik pillugu suliami maannamut qanoq pisoqarsimanera matumani ataatsimut isigalugu allaaseraarput:

Greenland Contractorsip Pituffimmi kiffartuussinissamik isumaqatigiissut, 1971-imiilli pigisimasani, 2014-imi novembarip aallaqqaataani annaavaa.

Exelis Services A/S, danskinit amerikamiunillu pigineqartoq suliariumannittussarsiuussinermi ajugaasuuvoq, USA-mili eqqartuussivik 2015-imi maajip qaammataani aalajangerpoq suliariumannittussarsiuussisoqaqqissasoq.

Taamaammat Greenland Contractorsimut isumaqatigiissut 2015-imi oktobarip qaammataata tungaanut atuuttoq ukiup affaanik sivitsorneqarpoq -  tassa marsip aallaqqaataanut 2016-imut atuuttussanngorlugu, ukiullu affaanik sivitsorneqaqqissinnaanngorlugu.

Pituffimmi kiffartuussinissamik isumaqatigiissutip annaaneqarnera inuiaqatigiinnut kalaallinut ukiumut 200 millionit koruunit missaannik annaasaqarfiusassaaq. Isumaqatigiissullu maannakkutut iluseqartillugu 2,4 milliardit koruunit missaannik naleqarmat suliaq naammassivissortutut oqaatigineqarsinnaanngikkallarpoq.


Juunip 24-at 2016:

Pituffimmi kiffartuussinissamik isumaqatigiissut danskit suliffeqarfiutaasa annaavaat

Amerikami eqqartuussiviup Pituffimmi sakkutooqarfimmi kiffartuussinissamik isumaqatigiissut pillugu eqqartuussut atortussaajunnaartippaa, isumaqatigiissullu milliardinik arlalinnik naleqartoq amerikamiut ingerlatseqatigiiffiannut tunniunneqarluni, Finans taama allappoq.

Aamma atuaruk Pituffimmi kiffartuussinissamik isumaqatigiissut danskit suliffeqarfiutaasa annaavaat


Juunip 20-at 2016:

Amerikamiut Pituffik pillugu suliami kukkunertik nassuerutigigaat

USA-mi nunanut allanut ministerip, John Kerryp tallimanngormat Nunatsinnut tikeraarnerani Pituffimmi kiffartuussinissamik isumaqatigiissut oqaluuserineqarpoq.

Aamma atuaruk Amerikamiut Pituffik pillugu suliami kukkunertik nassuerutigigaat


marsip 02-at 2016:

Kristian Jensen: Greenland Contractors Pituffimmiiginnassaaq

USA-mi eqqartuussisisutigut suliat arlariit ingerlanneqarnerini Greenland Contractors A/S-ip amerikamiut sakkutooqarfianni kiffartuussinissamik isumaqatigiissut pigiinnarallaassavaa, danskit nunanut allanut tunngasunut ministeriata tamanna naatsorsuutigaa. Isumaqatigiissutip sivitsorneqarsimanera Greenland Contractorsip uppersarpaa.

Aamma atuaruk Kristian Jensen: Greenland Contractors Pituffimmiiginnassaaq


Januaarip 15-at 2016:

Eqqartuussissuserisup Pituffik pillugu suliamik misissuinera uani atuaruk

Thule Air Basemi kiffartuussinissamik isumaqatigiissutip suliariumannittussarsiuunneqarnera pillugu nassuiaat 256-inik qupperneqartoq KNR-ip allagaatinik takunnikkumalluni qinnuteqarnermini tigusimavaa.

Aamma atuaruk Eqqartuussissuserisup Pituffik pillugu suliamik misissuinera uani atuaruk


Januaarip 15-at 2016:

Hardenbergi suliamut akuunersoq uppernarsaatissaqanngilaq

Eqqartuussissuserisup Ole Spiermannip Pituffik pillugu suliami tigussaasunik uppernassaatissaqannginneq tunngavigalugu Naalakkersuisut siulittaasoqarfiani pisortaasimasoq Svend Hardenberg akisussaanngitsutut nalilerpaa, naak nassuiaatigineqartut akerleeriikkaluartut.

Aamma atuaruk Hardenbergi suliamut akuunersoq uppernarsaatissaqanngilaq


Januaarip 15-at 2016:

Danskit nunanut allanut ministeriat oqaaseqarumanngilaq

Danskit nunanut allanut ministeriat Kristian Jensen, Aleqa Hammond aamma Nunanut allanut pisortaqarfimmi pisortaq Kai Holst Andersen assingalugit KNR-imut oqaatigaa Pituffimmi kiffartuussinnissamik isumaqatigiissutip suliariumannittussarsiuunneqarnera pillugu eqqartuussissuserisup misissuinera oqaaseqarfigerusunnagu.

Aamma atuaruk Danskit nunanut allanut ministeriat oqaaseqarumanngilaq


Januaarip 15-at 2016:

Aleqa Hammond: Oqaaseqarfigerusunngilara

Siumup Folketingimi allaffeqarfiani pisortap KNR-imut ilisimatitsissutigaa Hammond suliap ingerlanneqarsimanera AAMMALU naalakkersuisunut siulittaasuunermini pisarsimasut allat oqaaseqarfigerusunngikkai.

Aamma atuaruk Aleqa Hammond: Oqaaseqarfigerusunngilara


Januaarip 15-at 2016:

Nunatsinnit siunnersuutaasoq tusaanngitsuusaarsimagaat

Pituffimmi kiffartuussinissamik isumaqatigiissutip suliariumannittussarsiuunneqarneranut malittarisassanut nutaanut Nunatsinnit kissaatigineqartut, danskit nunanut allanut ministeriaqarfiannit tusaanngitsuusaarneqarsimapput. Eqqartuussissuserisup misissuinerata tamanna takutippaa.

Aamma atuaruk Nunatsinnit siunnersuutaasoq tusaanngitsuusaarsimagaat


Januaarip 14-at 2016:

Kai Holst Andersen akisussaanerpaavoq

Pituffik pillugu nalunaarusiami ersersinneqarpoq Nunanut allanut tunngasunut naalakkersuisoqarfimmi pisortap Kai Holst Andersenip kukkusimanera, taassuma najoqqutassat nutaat Pituffimmut suliariumannittussarsiuussinermut tunngasut akuerisimagai, nalunaarusiami KNR-ip takunnikkumanermigut pissarsiareqqammigaani tamakkua atuarneqarsinnaapput.

Aamma atuaruk Kai Holst Andersen akisussaanerpaavoq


14. januar 2016:

Eqqartuussisuserisup misissuinera: Hammond nunanullu allanut tunngasunut pisortaqarfik takkuitsuuipput

Aleqa Hammond naalakkersuisunut siulittaasuutilluni aamma nunanut allanut tunngasunut pisortaqarfik piffissaagallartillugu iliuuseqarsimanngitsut Pituffimmik suliaq pillugu nalunaarusiami qulaarneqarpoq.

AAMMA ATUARUK Eqqartuussisuserisup misissuinera: Hammond nunanullu allanut tunngasunut pisortaqarfik takkuitsuuipput


14. januar 2016:

Aajap kiffartuussinissamut suliarinnittussarsiornermi piumasaqaatit apersuutigai

Amerikamiut Pituffimmi sakkutooqarfiani kikkut kiffartuussinissamik isumaqatigiissuteqarsinnaanissaannut piumasaqaatissanik oqaasertalersuineq pillugu danskit nunanut allanut tunngasunut ministeriat, IA sinnerlugu Folketingimut ilaasortap Aaja Chemnitz Larsenip maanna akuliuteqqulerpaa.

AAMMA ATUARUK Aajap kiffartuussinissamut suliarinnittussarsiornermi piumasaqaatit apersuutigai


Septembarip 09-at 2015:

USA Pituffik pillugu eqqartuussissulersuinernut ilannguttoq

USA-mi illersornissaqarfik Pituffik pillugu eqqartuussissulersuinernut arlalinnut maanna ilannguppoq, Pituffimmillu kiffartuussinissamut atatillugu aalajangiussaq suliassanngorteqqillugu.

AAMMA ATUARUK USA Pituffik pillugu eqqartuussissulersuinernut ilannguttoq


Aggustip 28-at 2015:

Olsvig: Eqqartuussissuserisumik misissuisitsinerup inerneranik saqqummiussisoqartariaqaraluarpoq

Pituffimmi kiffartuussinissamik isumaqatigiissutip annaaneqarneranik Naalakkersuisut eqqartuussissuserisumik misissuisitsinerata inerneranik innutaasunut inatsisartunullu saqqummiussisoqartariaqaraluarpoq. Taama Inuit Ataqatigiit siulittaasuat Sara Olsvig, tusagassiuutinut nalunaaruteqarluni allappoq.

AAMMA ATUARUK Olsvig: Eqqartuussissuserisumik misissuisitsinerup inerneranik saqqummiussisoqartariaqaraluarpoq


21. august 2015:

Lidegaard: Kristian Jensenip Pituffik pillugu uppernarsaatit saqqummiuttariaqarpai

Danmarkimi siornatigut nunanut allanut tunngasunut ministeriusimasup Martin Lidegaardip taartini - Venstreneersoq Kristian Jensen - Pituffimmi kiffartuussinissaq pillugu uppernarsaatinik saqqummiiumanngimmat isornartorsiorpaa.

AAMMA ATUARUK Lidegaard: Kristian Jensenip Pituffik pillugu uppernarsaatit saqqummiuttariaqarpai


21. august 2015:

Pituffimmi kiffartuussinissamik isumaqatigiissut pilerngukkaat

Pituffimmi aaqqiagiinngissuteqartoqarnerani qallunaat suliffeqarfinnik piginneqatigiiffii pingasut, Amerikamiut sakkutuuinut timmisartortartunut ataatsimoorlutik illuatungiliuttooreerlutik, Pituffimmi isumaqatigiissutinut milliardikkaanik nalilinnik pilerngullutik imminnut sorsuutilerput.

AAMMA ATUARUK Pituffimmi kiffartuussinissamik isumaqatigiissut pilerngukkaat


18. august 2015:

Greenland Contractorsit Pituffimmut nutaamik isumaqatigiissuteqarput

Danskit kalaallillu suliffeqarfiutaat Greenland Contractorsit Pituffimmut isumaqatigiissutaat ukiumik ataatsimik sivitsorneqartoq, nunanut allanut tunngasunut ministeri oqarsimasoq Finans.dk allappoq.

AAMMA ATUARUK Greenland Contractorsit Pituffimmut nutaamik isumaqatigiissuteqarput


Aggustip 04-at 2015:

Pituffiup aalajangiiffigineqarnera suliffeqarfiup allap aamma suliassanngorteqqippaa

Amerikamiut eqqartuussiviata Pituffimmi kiffartuussinissamik isumaqatigiissut pilllugu eqqartuussutaata inernerata ilaa Copenhagen Arctic A/S-ip suliassanngorteqqippaa. Tamannalu pivoq naak ingerlaatseqatigiiffiup amerikamiut sakkutooqarfiata aalajangernera pillugu suliassanngortitseqqinnermini naammagittaalliuuteqarnermini isumaqatigineqaraluartoq.

AAMMA ATUARUK Pituffiup aalajangiiffigineqarnera suliffeqarfiup allap aamma suliassanngorteqqippaa


27. juli 2015:

Utaqqiisaasumik isumaqatigiissuteqarnissaq GC-p nuannaarutigaa

Greenland Contractorsip US Air Forcemut Pituffimmi sakkutooqarfimmi kiffartuussinissamik isumaqatigiissutimi utaqqiisaasumik sivitsorniarneqarnera nuannaarutigaa. Nittartagaq finans.dk taama allaaserisaqarpoq.

AAMMA ATUARUK Utaqqiisaasumik isumaqatigiissuteqarnissaq GC-p nuannaarutigaa


20. juli 2015:

Exelis suliassanngortitseqqilersoq

Pituffimmi kiffartuussinissamik isumaqatigiissutip assortuussutaanera suli naammasseqqajanngilaq.

AAMMA ATUARUK Exelis suliassanngortitseqqilersoq


10. juli 2015:
Spiermannip Pituffik pillugu nassuiasiaa piareeerpoq

Pituffimmi sulianik annaasaqarnermi pisunik nassuiaat eqqartuussissuserisup, Ole Spiermannip piareerlugu Naalakkersuisut siulittaasuannut aamma nunanut allanut tunngasunut naalakkersuisumut tunniuppaa.

AAMMA ATUARUK Spiermannip Pituffik pillugu nassuiasiaa piareeerpoq


28. maj 2015:

Pituffimmi kiffartuussinissamik isumaqatigiissut Exelis Servicesip annaavaa

Pituffimmi sakkutooqarfimmi kiffartuussinissamik isumaqatigiissut suliariumanittussarsiuunneqaqqittussanngorpoq. USA-mi eqqartuussivimmi Court of Federal Claimsimi tamanna aalajangiiffigineqaqqammerpoq. KNR-imit tamanna paasineqaqqammerpoq.

AAMMA ATUARUK Pituffimmi kiffartuussinissamik isumaqatigiissut Exelis Servicesip annaavaa


22. april 2015:

Pituffimmut tunngatillugu misissuititsineq kinguaattoortoq

Pituffimmut kiffartuussinissamut isumaqatigiissusiornermut tunngatillugu Namminersorlutik Oqartussat eqqartuussissuserisumit misissorneqarnerat kinguaattoorpoq.

AAMMA ATUARUK PITUFFIK Pituffimmut tunngatillugu misissuititsineq kinguaattoortoq


12. marts 2015:
Aviisi: Namminersorlutik Oqartussat Pituffik pillugu misissuisussaat aajuna

Naalakkersuisut misissuititsinissamut suliakkiutaata oqaasertai aviisip AG-p pissarsiarisimavai. Greenland Contractorsip Pituffimmi sullissisussajunnaarnerata siornatigut Nammilersorlutik Oqartussani kikkut suliaqartarsimanerannik Ole Spiermann misissuissaaq.

AAMMA ATUARUK Aviisi: Namminersorlutik Oqartussat Pituffik pillugu misissuisussaat aajuna


11. marts 2015:

Kielsen eqqartuussissuserisut suliaat pillugu: Aviisimi atuarsinnaavarsi

Pituffimmik kiffartuussinissamut atatillugu suliariumannittussarsiuussisoqarneranut atatillugu suliap misissorneqarnissaa Danmarkimi inatsisilerituut suliarisussaavaat, eqqartuussissuserisullu qanoq piginnaatitaaffeqarnersut Naalakkersuisut sukumiinerusumik oqaaseqarfigiumanngilaat, apeqqutinullu ataasiakkaanut akissuteqarusunnatik.

AAMMA ATUARUK Kielsen eqqartuussissuserisut suliaat pillugu: Aviisimi atuarsinnaavarsi


11. marts 2015:

MT Højgaardip Pituffik pillugu suliaq eqqartuussivimmut suliassanngortikkaa

Pituffimmi kiffartuussinissamik isumaqatigiissutip amerikamiut sakkutooqarfianit aalajangiiffigineqarnera ingerlatseqatigiiffiup Greenland Contractorsip amerikami eqqartuussivimmut The United States Court of Federal Claimsimut naammagittaalliuutigaa.

AAMMA ATUARUK MT Højgaardip Pituffik pillugu suliaq eqqartuussivimmut suliassanngortikkaa


9. marts 2015:

MT Højgaardip Pituffimmi kiffartuussiunnaarnini annertuumik annaasaqaatigissavaa

Entreprenøritut suliffeqarfik MT Højgaard Pituffimmi kiffartuussinissamik isumaqatigiissummik annaasaqarnermi kingorna naatsorsuutimigut annertuumik annaasaqartussanngorpasippoq.

AAMMA ATUARUK MT Højgaardip Pituffimmi kiffartuussiunnaarnini annertuumik annaasaqaatigissavaa


5. marts 2015:

Per Aarsleff A/S-ip Pituffiup aalajangiiffigineqarnera suliassanngorteqqikkaa

Entreprenøritut suliffeqarfiup Per Aarsleff A/S-ip USA-p Pituffik pillugu aalajangiinera eqqartuussivimmut qullasinnerusumut suliassanngorteqqippaa.

AAMMA ATUARUK Per Aarsleff A/S-ip Pituffiup aalajangiiffigineqarnera suliassanngorteqqikkaa


3. marts 2015:

Namminersorlutik Oqartussat Pituffik pillugu suliamut mianersoqquneqarsimapput

Pituffimmi sullissusissarsiornissaq ukiumik ataatsimik sioqqullugu Namminersorlutik Oqartussat Qallunaallu nunanut allanut tunngasunut ministereqarfia, Greenland Contractors neqerooruteqassappat ajornartorsiutinik pilersoqarsinnaaneranik mianersoqquneqarsimapput. KNR-ip suliamut tunngasunut pisortanit pappialanik takunnissinnaanermut pissarsinerata tamanna ersersippaa.

AAMMA ATUARAK Namminersorlutik Oqartussat Pituffik pillugu suliamut mianersoqquneqarsimapput


2. marts 2015:

Qujaukitsoq: Hammondip Pituffik pillugu suliami qanoq akuutigisimanera misissorneqassaaq

Suliami Greenland Contractorsip amerikamiut Pituffimmi sakkutooqarfianni sullissinissamut isumaqatigiissuteqanngitsoornerani Naalakkersuisut tamanikkut siulittaasuat aamma nunanut allanut tunngasunut naalakkersuisuusoq, Aleqa Hammond, qanoq akuutigisimava?

AAMMA ATUARUK VIDEO Qujaukitsoq: Hammondip Pituffik pillugu suliami qanoq akuutigisimanera misissorneqassaaq


26. februar 2015:

Johan Lund Olsen: Hammond Hardenbergilu ilisimatinneqarsimapput

Namminersorlutik Oqartussani atorfilittat qullersaasut arlalissuit Pituffimmi kiffartuussinissamik isumaqatigiissummut tunngatillugu suliariumannittussarsiuussinermut malittarisassanik ilusilersueqataasimanerat ullumi tusarliunneqarpoq.

AAMMA ATUARUK Johan Lund Olsen: Hammond Hardenbergilu ilisimatinneqarsimapput


Februaarip 25-at 2015:

Suliariumannittussarsiuussinermut malittarisassat nutaat Namminersorlutik Oqartussat akuerisimavaat

Namminersorlutik Oqartussat Kalaallit Nunaatalu Danmarkimi sinniisoqarfiata Pituffimmik sullissisussarsiuussinnermut isumaqatigiissummut malittarisassat allanngortinneqarnerat nammineq peqataaffigisimavaat.

AAMMA ATUARUK Suliariumannittussarsiuussinermut malittarisassat nutaat Namminersorlutik Oqartussat akuerisimavaat


Februaarip 25-at 2015:

USA-p Pituffimmut tunngatillugu ilisimatitsissuteqarnera ministereqarfiup tusaanngitsoorsimagaa

Piginneqatigiiffiit Pituffimmi sakkutooqarfimmi kiffartuussinissamut neqerooruteqarniartut ilaata aningaasaqannginneranik USA-p ilisimatitsinera, danskit nunanut allanut tunngasunut ministereqarfiata tusaanngitsuusaarsimavaa.

AAMMA ATUARUK PITUFFIK USA-p Pituffimmut tunngatillugu ilisimatitsissuteqarnera ministereqarfiup tusaanngitsoorsimagaa


Februaarip 20-at 2015:

Danskit politikeriisa USA-p isumaqatigiinniarfigeqqinneqarnissaa piumasarigaat

Pituffimmi sakkutooqarfimmi kiffartuussinissamik isumaqatigiissutip naammagittaalliutigineqarnerata USA-mit aalajangiiffigineqarnera, nunatsinni politikerit akornanni taamaallaat naammaginartinneqanngilaq.

AAMMA ATUARUK PITUFFIK Danskit politikeriisa USA-p isumaqatigiinniarfigeqqinneqarnissaa piumasarigaat


Februaarip 19-at 2015:

Naalakkersuisut sinissimapput

Sara Olsvig isumaqarpoq Naalakkersuisut danskillu naalakkersuisui suliap pingaaruteqaqisup ingerlanerani isumaginnilluarsimanngitsut.

AAMMA ATUARUK Naalakkersuisut sinissimapput


Februaarip 19-at 2015:

Exelisip aalajangiiffigineqarnera Lidegaardip Præsidentip Illorsuani qaqinniarpaa

Pituffimmi sakkutooqarfimmi kiffartuussinissamik isumaqatigiissutip suliariumannittussarsiuunneqarnerata amerikami oqartussaasunit akuerineqarnera, danskit nunanut allanut tunngasunut ministeriata Martin Lidegaardip isornartorsiorpaa.

AAMMA ATUARUK Exelisip aalajangiiffigineqarnera Lidegaardip Præsidentip Illorsuani qaqinniarpaa


Februaarip 19-at 2015:

Pituffik pillugu isumaqatigiissutip tunniunneqarnera amerikami naalakkersuisut akueraat

Amerikami naalakkersuisoqarfiup allaffeqarfiata, Government Accountability Officep, GAO-p, kiffartuussinissamik isumaqatigiissutip Exelis Services A/S-imut tunniunneqarnera aalajangersarneqarpoq. Exilis Services nittartakkamini taama allappoq.

AAMMA ATUARUK PITUFFIK Pituffik pillugu isumaqatigiissutip tunniunneqarnera amerikami naalakkersuisut akueraat


Pituffik pillugu isumaqatigiissutip annaaneqarnera Olsvigip misissuiffigeqqugaa

Pituffimmi sakkutooqarfimmi kiffartuussinissamik isumaqatigiissutip amerikamiunut qanoq ilillugu annaaneqarsimaneranik misissuisussanik arlaannaannulluunniit attuumanngitsunik Naalakkersuisut pilersitsinissaat Inuit Ataqatigiit siulittaasuata Sara Olsvigip kissaatigaa.

Aamma atuaruk PITUFFIK Pituffik pillugu isumaqatigiissutip annaaneqarnera Olsvigip misissuiffigeqqugaa


Februaarip 02-at 2015:

KNR allagaatinik Pituffimmut tunngassuteqartunik takunnikkumalluni novembarip arfineq-aappaani siorna qinnuteqarpoq, maannalu qaammatit pingasut qaangiunnerini allagaatit tamaasa suli tunniunneqanngillat.

AAMMA ATUARUK KNR-ip allagaatinik takunnikkumanera danskit ministereqarfiata akiumaataaraa


Januaarip 29-at 2015:

Copenhagen Business Schoolimi inatsisunut tunngatillugu professorip Søren Friis Hansenip januaarip qaammataata naanerani oqaatigaa, suliffeqarfiit Pituffimmi kiffartuussinissamik isumaqatigiissut pillugu naammagittaalliuteqartut, ilaatigut Greenland Contractors, amerikami naalagaaffiup naammagittaalliuteqartarfiani ajorsarnissartik naatsorsuutigisariaqaraat.

Pituffimmi kiffartuussinissamut piumasaqaatit kiffartuussisussanngortumit, Exilis Servicesimit tamakkiisumik naammassineqarsimaneri eqqarsaatigalugit, danskit suliffeqarfiisa naammagittaalliuutaat amerikamiut naalagaaffiisa kukkunersiuisuinit isumaqatigineqarnissaat takorlooruminaappoq, Søren Friis Hansen finans.dk-mut oqarpoq.

AAMMA ATUARUK Professori: Pituffimmut suliaq tunngasoq ajugaanavianngilaq

Taamatullu oqarnera eqquuppoq. Amerikamimi naalagaaffiup naammagittaalliuteqartarfiata Government Accountability Officep, GAO, ullumi nalunaarutigaa Exelis Services A/Sip kiffartuussinissamik isumaqatigiissummik tunineqarsimanera naqissuserneqartoq. 

AAMMA ATUARUK Pituffik pillugu isumaqatigiissutip tunniunneqarnera amerikami naalakkersuisut akueraat


Januaarip 21-at 2015:

Johan Lund Olsenip sulissuteqarneratigut Pituffik pillugu suliaq Folketingimi januaarip 21-aninukingiussamik oqaluuserineqarpoq.

Ilaatigut danskit nunanut allanut tunngasunut ministeriat Martin Lidegaard, danskit partiivisa kalaallinut nunaannut tunngasunut oqaaseqartartui kiisalu Siumut sinnerlugu Folketingimut ilaasortaajunnaartoq Nick Nielsen peqataapput. Kalaallit Nunaata amerikamiut Pituffimmik atuinerannik sapinngisamik annertunerpaamik pissariaqarnissaat siuertaralugu Folketingillu isumaqatigiissup siunnersuut aqaguani akuersissutigaa.

”Folketingip naalakkersuisut kajumissaarpai (1) Pituffimmi sullissinissamik isumaqatigiissutip danskinit/kalaallinit pigiinnarneqarnissaa qularnaaqqullugu, (2) Amerikamiut Kalaallit Nunaanni sakkutooqanerisa annertunerpaamik Kalaallit Nunaannut iluanaarutaanissaata qularnaarneqarnissaa sulissutigeqqullugu, tamatumunnga ilanngullugit ilinniarfissat, suliffissat akileraarutitigullu isertitassat qularnaarnissaat aamma (3) siunissami piumasaqaatit aalajangiinermilu tunngavissat nalornissutigineqannginnissaat qularnaaqqullugu.”

Folketingimi nukingiussamik oqallisigineqarnera Johan Lund Olsenip aamma piumasaqaatigaa Naalakkersuisut danskillu naalakkersuisuisa suliami qanoq akuutigisimanerat arlaannaanulluunniit attuumanngitsumik misissuiffigineqassasut. 

Aammattaaq Inuit Ataqatigiit siulittaasuata, Sara Olsvigip, Pituffimmi kiffartuussinissamik isumaqatigiissutip annaaneqarnera pillugu arlaannaanulluunniit attuumanngitsumik misissuisoqarnissaa Naalakkersuisunut piumasaqaatigaa.

- Piumasaqaat tassaatinneqassanngilaq maanna Naalakkersuisunik siuliinilluunniit uparuaaneq, kisiannili tassaasoq aaqqissuussinermi aamma Danmarkimut USA-mullu isumaqatigiissutini sanngiiffiorpasissut Kalaallit Nunaannit aaqqinneqarnissaat qularnaarumallugu piumasaqaatigisarput,Olsvig taama allappoq.

AAMMA ATUARUK Pituffimmi kiffartuussinermut isumaqatigiissuteqarnissaq Folketingetimi amerlasuunit taperserneqarpoq

AAMMA ATUARUK Pituffik pillugu siunnersuut akuerineqarpoq

AAMMA ATUARUK Pituffik pillugu isumaqatigiissutip annaaneqarnera Olsvigip misissuiffigeqqugaa


Januaarip 16-at 2015:

Partiip illuatungiliuttuusup Inuit Ataqatigiit januaari qiteqquttoq nalunaarpoq, kiffartuussinissamik isumaqatigiissutip annaaneqarnera Naalakkersuisut nammineq pisuussutigigaat.

- Naalakkersuisut kiffartuussinissamik isumaqatigiissut annaavaat.

- Isumaqarpugut uani pisumi suut tamarmik qulaajarneqartariaqartut. Tikkuartuiniarnermik siunertaqassanngilaq, kisianni aaqqissuussaanitta qaqugukkulluunniit tamatigullu nunatta soqutigisai aallunneqartuaannartussanngorlugit ilusilersorsimanissaa qulakkeerniarlugu – apeqqutaatinnagu kikkut naalakkersuisutut inissisimanersut kiisalu qineqqusaartoqarnersoq, Inuit Ataqatigiit Pituffimmut tunngatillugu arlaannaannulluunniit attuumassuteqanngitsunit misissuisitsinissamik piumasaateqarlutik allagaqaatertik taama naggaserpaat.

AAMMA ATUARUK IA: Naalakkersuisut kiffartuussinissamik isumaqatigiissut annaavaat

Peqatigisaanillu danskit nunanut allanut ministeriaqarfiat Greenland Contractorsimit isornartorsiorneqarpoq.

Nunanut allanut tunngasunut ministeriaqarfiup suliassani iluamik nakkutigisimanngilai.Greenland Contractorsimi pisortaaneq Peter Kofoed taama oqarpoq.

Inatsisilerituut naapertorlugit Pituffimmi sakkutooqarfimmi suliffeqarfinnik kiffartuussisussanik akuersissuteqarnissamut toqqaanissamullu USA-p siorna akisussaaffeqalernerata kingunerisassai pillugit Martin Lidegaard paasissutissanik eqqunngitsunik saqqummiussisimavoq.

AAMMA ATUARUK Lidegaard Pituffimmut tunngatillugu GC-mit isornartorsiorneqartoq


Decembarip 02-at 2014:

Danskit ministeriunerata Helle Thorning-Schmidtip apeqqarissaarfigineqarnerani Inuit Ataqatigiit sinnerlugit folketingimut ilaasortap Johan Lund Olsenip danskit naalakkersuisuisa kiffartuussinissamik isumaqatigiissutip annaaneqarnera pillugu qanoq isumaqarnersut apeqqutigaa.

- Pituffimmi sakkutooqarfiup sapinngisamik annertunerpaamik kalaallinit ionuiaqatigiinnillu kalaallinit pissariaqaatigineqarnissaa erseqqissumik naqissuserusuppara.

- Taamaammat aamma naalakkersuisut tungaannit USA-p Pituffimmi kiffartuussinissamut tunngatilliugu isumaqatigiissutigisatsinnik malinninnissaa naatsorsuutigilluinnarparput,ministeriuneq decembarip aappaani taama akissuteqarpoq.

AAMMA ATUARUK Danmark Pituffik pillugu qanoq isumaqarnersoq IA Siumullu aperipput

AAMMA ATUARUK Pituffik Folketingimi ullumi isumasioqatigiissutigineqalersoq

AAMMA ATUARUK Pituffimmi kiffartuussinissamut isumaqatigiissummut Olsvig apeqquteqarpoq


Novembarip 13-at 2014:
Greenland Contractorsip, Copenhagen Arctic A/S-ip Per Aarsleff A/S-illu, tamarmik Pituffimmi suliaqartuusut, suliariumannittussarsiuussinermi piumasaqaataasunik naammagittaalliuuteqarlutik amerikami naammagittaalliuuteqartarfimmut The General Councelimut naammagittaalliuuteqarput.

- Suliffeqarfiup sulisussarsiarineqartup isumarput malillugu piumasaqaataasut naammassisimanngimmagit naammagittaalliorniarluta aalajangersimavugut, Greenland Contractorsimi pisortaaneq, Peter Kofoed, novembarip 13-iani taama oqarpoq.

AAMMA ATUARUK Suliffeqarfiit US Air Forcemut kiffartuussinissamut isumaqatigiissut pillugu maalaarput


 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!