Tine Pars: Ilinniartut piginnaasakippallaarput
- Tassa ilinniarfitsinnut isernissamut piumasaqaatit annertusivagut pissutigalugu ukiuni kingullerni taamaatiinartartut ikiliartunnginnamik taavalu ilinniartut piginnaasaat ilinniartitsisut naapertorlugit piginnaasaat appasippallaarnmat, Ilisimatusarfimmi rektori Tine Pars taama oqarpoq.
Aamma atuaruk Ilisimatusarfiup ilinniarnermut piumasaqaatit sukaterpaat
Assersuutigalugu 2011-mi ilinniartut ilinniakkaminnik unitsitiinartut 47 procentiupput, piffissarlugu atugassaritinneqartoq eqqorlugu naammassisut 30 procentiinaallutik.
Ilisimatusarfimmi qulinik assigiingitsunik ilinniarfeqqarpoq, tassanilu ilinniarfiit sisamat sukateriffigineqartut tassaapput, Ilinniartitsisunngorniarfik, peqqissaasunngorniarfik, aamma isumaginninnermut siunnersortinngorniarfik kiisalu oqaasilerinermi atuakkialerinermi tusagassiuutilerinermi ilinniarfik.
Piumasaqaatit sukateriffigineqarneranni ilinniakkaminnik naammassisut ikinnerulernissaat ernumagineqarsinnaavoq,kisianni piumasaqaatit sukateriffeqarnerisigut ilinniartut naammassisartut amerlanerulernissaanik kinguneqarsinnaasoq Tine Pars isumaqarpoq.
Taammaattorli ilinniartitsisunngorniartut ikilissasut taassuma oqaatigaa
- Immaqa Ilinniarfissuarmi, tassa ilinniartitsisunngorniartut aallaqqaamut ikililaarnissaat pissutigalugu tassani piumasaqaatit qaffangaatisarnikuugamik, taamaasilluni holdit marluinnaat pingasuungitsut ukiumut aallartittassasut aalajangerlutigit, Tine Pars Taama oqaropq.
Aamma atuaruk KNR KNR-imi Ilinniartitsinermik TV
Tassa 2017-imi ilinniarniarlutik aallartittussanut piumasaqatit ilinnialersussat isiginiarluartariaqalerpaat, ilinniakkaminnut piumasaqaatit isumannaarniarunikku.
Karakteritillu pitsanngorsassarnissaanut, faginilu assigiingitsuni qaffaanissaanut piffissaqarluartut Tine Pars oqarpoq.
Ilinniartunullu piumasaqaatinut angummassinnangitsunut ima siunnersuuteqarpoq.
- Taakkua pitsanngorsartariaqassuaat piginnaasatik, assersuutigalugu oqaatsini imaluunnit karakteri aalajangersimasoq fagini imaaluunnit niveau angusimanngikkaani pittanngorsartariaqassuaat.
Aamma atuaruk Ilisimatuutut misissuiffik nutaaq meeqqat inuusuttullu sammivaai
Ilisimatusarfimmi piumasaqaatit sooq qaffanneqarnersut GUX-mi rektori Mikael Enggard-ip paasisinnaavaa.
Ilinniarnertuunngorniarfimmi ilinniartut amerlasuut piumasaqaatit qaffakkaluartut sapissanngikkaat Mikael Enngardip qularinngilaa, naak eqqaagaluarlugu piumasaqaatigineqartunut ilinniartut ilai angummassinnaanngitsut.
Kissaatigigaluarpaali Ilisimatusarfiup nunatsinni Ilinniarnertuungorniarfiit sisamat tusarniaqqaarsimassagaluarai, nalimmassarinissaminnullu periarfissillugit.
- Oqaloqatigiissimanissarput kissaatiginaraluarpoq, piumasaqaatik qaqugu qaffaaniarnersut paasisimasuugutsigu nalimmassarnissatsinnut piffissaqarluarsimassagaluarpugut, Nuummi GUX-mi rektori Mikael Enggaard taama oqarpoq.
