Ilisimatusarfiup ilinniarnermut piumasaqaatit sukaterpaat
Taamaammat ilinniartitsisunngorusukkuit, peqqissaasunngorniaruit, isumaginninnermut siunnersortinngorniaruit kiisalu Oqaasilerineq, atuakkialerineq tusagassiuutilerinerlu pillugit ilinniarusukkuit GU-mi karakteerigissaarnerusariaqassaatit.
- Ilinniagaqarnermit, inuussutissarsiornermit nunaniillu avataaneersunit ilinniakkamit pissarsisinnaanissamut, ilisimasanut ilinniakkamullu nakimaassutsimut piumasat annertusiartuinnarput.
- Piumasanullu angummanniarluta Ilisimatusarfimmi ilinniakkani arlalinni piumasaqaatit sukannernerulersinneqarput, Ilisimatusarfimmi rektori, Tine Pars tusagassiuutinut nalunaarummi oqarpoq.
Aamma atuaruk Ilinniagaqarnersiutit allannguutissaat isumaqatigiinngissutaapput
Aamma atuaruk Atuarfinni aaqqiissutissani angajoqqaat unamminarnerpaassapput
Ilinniarnertuunngorniarfinni ukiut pingasut atuareernissaq ilinniagaqarfinni ilinnialernissamut ilaatigut piumasaqaatigineqarpoq.
Taamaammat ilinniagaqalernissamut piareersarnermi ukioq ataaseq pikkorissarsimaneq ilinniagaqarfinni ilaanni aallartinnissamut naammakkunnaassaaq.
