Telemedicimik atuinikkut suliaritikkiartortartut ikilisinniarneqartut
Qarasaasiaq atorlugu nakorsiarneq, telemedicin, atorneqarnerulissaaq, nakorsat nunatsinniittut Danmarkimiittullu suleqatigiinnerisigut.
Assersuutigalugu qitiluttut suliaritinnissaminnut piareersimanissaat pillugu telemedicin atorneqarsinnaassaaq.
Naalagaaffiup napparsimmavissua Rigshospitalet tusagassiuutinut taama ilaatigut nalunaaruteqarpoq.
Misilittakkat takutippaat qitiluttut ilaatigut suliaritinneqartariaqanngitsut, akerlianillu sivisuumik uninngatinneqartarlutik.
AAMMA ATUARUK Katsorsartikkiartortunut aningaasartuutit ikilisimapput
Kalaallit Nunaanni Savalimminilu peqqinnissaqarfiit suleqatigalugit nutaamik taamaammat nassuiaasiortoqarpoq.
- Napparsimasut Danmarkiliartinneqannginnermi qanoq-issusiat iternga tikillugu paasineqarsimanissaa anguniagaavoq, nakorsaq Kalaallit Nunaanniittoq qitinillu pilattaasartoq suleqatigiillutik napparsimasup qinnguartarneqarneranit assit oqaloqatigiissutigisassavaat, napparsimasorlu pillugu aalajangiisinnaassuseqassallutik, Ellen Friis-Mikkelsen, Videncenter for Reumatologi og Rygsygdomme, Rigshopitalimiittumeersoq, tusagassiuutinut nalunaarummi oqarpoq.
