Katsorsartikkiartortunut aningaasartuutit ikilisimapput
Nunatsinninngaanneersut Danmarkimut katsorsartikkiartortarnerannut Nunatta ukiumut aningaasartuutai 2016-imi 128 millionit koruuniupput. Aningaasartuutit taamaasillutik ikiliartorput. 2012-imimi 2013-imilu 132 millionit koruunit aningaasartuutaasimapput.
Katsorsartittunut ataasiakkaanut aningaasartuutit agguaqatigiisillugit aamma ikiliartorput.
Katsorsartittunut 2016-imi aningaasartuutit agguaqatigiissillugit 137.000 koruuniusimapput, 2012-imilu 146.000 koruuniusimallutik.
Danmarkimi katsorsartinnermut 2012-2016 aningaasartuutit
|
Ukioq |
Koruunit. |
|
2012 |
132.879.109 |
|
2013 |
132.532.509 |
|
2014 |
115.340.036 |
|
2015 |
123.346.212 |
|
2016 |
128.007.037 |
Katsorsartittut amerlassusaat katsorsartittullu agguaqatigiissillugit
|
Ukioq |
Koruunit |
Katsorsartittut |
Aningaasartuutit |
|
2012 |
132.879.109 |
904 |
146.990 |
|
2013 |
132.532.509 |
887 |
149.417 |
|
2014 |
115.340.036 |
897 |
128.584 |
|
2015 |
123.346.212 |
901 |
136.899 |
|
2016 |
128.007.037 |
933 |
137.199 |
Najoqqutarisaq: Peqqissutsimut Naalakkersuisoqarfik
Nunatta avataani ukiuni kingullerni arlaqartuni katsorsaanerit amerlanerpaat Nunatsinnit tiguneqarnissaat peqqinnissaqarfimmit sulissutigineqartuartoq, peqqissutsimut naalakkersuisoq Agathe Fontain allappoq.
Immikkulli ilisimasalinnit Nunatsinni katsorsartittarnissamut periarfisaqalernissaq naammassineqarsinnaarpasinngilaq.
Katsorsaasussanik immikkut ilisimasalinnik atorfinitsitsinissamut atorfeqartitsiinnarnissamullu suliassaq naammassineqarsinnaanngitsoq, Agathe Fontain isumaqarpoq.
Immikkut ilisimasalittut soorlu sianiutinik pilattaasartut, uummatit nakorsaat pilattaasartut, sinitsitsisartutut sulisut aamma uummatinut puanullu maskiinanik atuinissamut teknikerit atorfinitsissagaanni peqqissaasunik immikkut ilinniarsimasunik atorfinitsitsinissaq aamma piumasaqaataassaaq.
Aamma innutaasut ikippallaarnerat pissutigalugu immikkut ilisimasallit piginnaasaminnik ineriartortitsisinnaanavianngillat.
Tamatumalu saniatigut illuutinut atortunullu aningaasartuuteqartorujussuusoqartariaqassaaq. Illuutillu atortullu teknikikkut ineriartornermut atorluarneqaratilluunniit nutaanngilissapput, peqqissutsimut naalakkersuisoq allappoq.
