Kulturi

Isiginnaartitsissusiaq "Kalaallit Aalborgimiittut" oqallitsitsisariaqarpoq

Kalaallinut isummat pigiliutiinnakkat Nunatsinni eqqartorneqakkajuttarput. Danmarkimili oqallisiginissai soqutigineqarpiarneq ajorlutik. Isiginnaartitsissusiaq "Kalaallit Aalborgimiittut" tamanna immaqa allanngortissinnaavaa.

Allattoq Helle Nørrelund Sørensen

novembarip 23-at 2015 13:13

Aalborgimi Kalaallit illuanni pisortap, kalaallit danskillu kaammattorpai pingaartumik nunasiaataanerup nalaani pisimasut oqaluuserinerussagaat.
Danmarkip aamma Kalaallit Nunaata ataatsimoorlutik oqaluttuassartaata oqallisiginiarneqartarnera aamma kalaaliulluni ulluinnarni inuuniarnermi ajornartorsiutit qallunaanit oqallisiginiarneqartarnerat ajornakusoortarpoq, Aalborgimi kalaallit illutaanni pisortaq Søren Stach Nielsen taama isumaqarpoq.

Aamma atuaruk Isiginnaartitsissutip soqutigineqarluarnera Aalborg Teaterip tuppalliutigaa

Isiginnaartitsissusiap allannguiffigissavaa

Tamannalu Aalborg Teaterimi isiginnaartitsissutip takutinneqarneratigut allanngueqataasinnaassaaq.
- Kalaallit Danmarkimiittut sammineqartarnerat siullermiilinngilaq, neriutigaara oqallisigineqartarnerannut aallartitseqataajumaartoq. Tamannalu ukiorpassuarni oqallisigineqartuarnissaa neriuutigaara, Søren Stach Nielsen KNR-imut oqarpoq.

- Kalaallit danskillu inuiaqatigiit taakkua marluk pillugit oqaloqatigiinnissaminnut pisariaqartitsisut isertuunneqarsinnaanngilaq Kalaallit Nunaannut aamma kalaallinut isiginnittariaatsit nuannersuinnaanngitsut sammineqarajuttarmata.

Aamma atuaruk ASSIT Kalaallit isiginnaartitsinissaannut isissutissat nungulersut

Søren Stach Nielsen isumaqarpoq Kalaallit Nunaat kalaallillu pillugit oqallittarnerit nuanniitsuusarnerannut tamatumalu oqallisigiunnaartarnerannut pissutaasunut ilaavoq, Kalaallit Nunaata nunasiaataaneranni pisut oqallisiginissaa merserisaratsigu.
- Nunasiaataasimaneq pillugu danskinit oqallisigineqarnissaa merserineqartoq isumaqarpunga.

- Taamaakkaluartoq amerlasuut oqallisigisarpaat, taamaaliortullu torrallaasorujussuupput. Torersumik kinguneqarluartumilu oqaloqatigiinnissaq pisariaqartinneqarpoq tamannalu isiginnaartitsissutip malitsigiumaaraa neriuutigaara, Søren Stach Nielsen oqarpoq.

Isiginnaartitsissusiaq "Kalaallit Aalborgimiittut " isiginnaartitsisarfimmi Aalborg Teaterimi decembarip 17-iata tungaanut isiginnaariarneqarsinnaavoq.