Isiginnaartitsinissat taamaatiinnaraat: Silarlunnera atortullu inissaqannginnerat pissutigalugulu apuunnaveertut
Sisimiuni isiginnaartitsinissaq siullertut taamaatiinnarneqarpoq, Aasiannilu isiginnaartitsinissaq kingorna taava taamaatiinnarneqartariaqarsimalluni. Isiginnaartitsissusiamut atortussat illoqarfinnut taakkununnga marlunnut tikinngitsoorsimapput, illoqarfinni taakkunani silarlunnera pissutaalluni, timmisartumilu inissaqannginnera pissutaalluni isiginnaartitsisoqarsinnaasimanani.
Naallu isiginnaartitsisartut teknikerillu isiginnaartitsinissamut piareeqqagaluartut isiginnaartitsisarfiup kiluanik aaqqissuussinerit qullilersuinissarlu amigaatigineqarput.
- Isiginnaartitsinissamik taamaatitsiinnartariaqarnerput soorunami ajuusaarutigaarput. Pissutsit aaqqiiviginiarneqarnissaannut sukataarpugut, Nunatta Isiginnaartitsisarfiata isiginnaartitsinermut pisortaa Susanne Andreasen oqarpoq.
AAMMA ATUARUK Angutivik angalalerpoq
Aasiannilu isiginnaariarusuttunut nutaarsiassatsialaqarunarpoq. Isiginnaagassiammi Kommune Kujallermi takutinneqarsinnaanissaa kommunip kissaatigisimanngimmagu Aasianni tallimanngorpat immaqa isiginnaariartoqarsinnaalissaaq.
Ilulissani marlunngormat isiginnaartitsisoqarpoq, isiginnaartitsisartummi atortullu umiatsiaq atorlugu Ilulissanut anngussimapput. Isiginnaartitsisartut Ilulissaneereerunik Aasiannut utissapput tallimanngorpallu isiginnaartitsillutik. Angalanerat Paamiuni septembarip 28-ani naggaserneqaaqq Nuummilu aamma Nuuk Nordisk Kulturugeqarnerani oktobarip 20-ni isiginnaartitsissallutik.
AAMMA ATUARUK Angut kalaaleq nutaaliaasoq qanoq-ittuua?
