Professorip Henrik Lethimik soraarsitsineq naapertuutinnginnerarpaa
Naalakkersuisut Naatsorsueqqissaartarfiup siulersuisuinit Henrik Lethimik soraarsitsinerat naapertuutinngilaq.
Aarhusip Universitetiani pisortat sullissinerinut inatsisini professori Søren H. Mørup ataatsimoortumik taama suliamut naliliivoq.
- Henrik Lethip soraarsinneqarnera naapertuuterpasinngilaq,
Nunatsinni Naatsorsueqqissaartarfimmi, Namminersorlutik Oqartussat ataanni nammineertutut ingerlasup, siulersuisuinut malittarisassat atuuttut inatsisitigut tunngavii Møruppip misissorsimavai.
AAMMA ATUARUK Nassuiaatigineqartoq pissusissamisoorsorineqanngialq
Aningaasaqarnermut naalakkersuisoq, Aqqaluaq B. Egede naapertorlugu Henrik Leth sulisitsisuni siulersuisuniimmat tassaniinneralu soqutigisanik aporaaatilersitsisinnaammat soraarsinneqarpoq.
Politikkikkut ingerlatsinermi arlariinnik suliaqartuuneq naliginnaasumik isorineqartarpoq. Inuilli peqatigiiffinni kattuffinnilu kattussuussinnaanerat pisinnaatitaaffittut nunat tamalaat isumaqatigiissutaanni qulakkeerneqartoq, Søren H. Mørup KNR-imut mailikkut allappoq.
- Siullermik soraarsitsinermi, soraarsitaasup peqatigiiffimmi ilaasortaanera ilumut suliamut naapertuuttumik tunngavilersuutaanersoq qularnarpoq. Tamanna peqatigiiffimmiissinnaatitaanermik, inuit pisinnaatitaaffiinut Europami isumaqatigiissummit illersorneqartumik, pisortallu aqutsineranni malittarisassani naligiimmik pinninnissamik tunngavinnik unioqqutitsineruvoq.
Lethip atuuffigisimasaanut Tønnes Berthelsen, KNAPK-mi pisortaagallartoq atuutsilerneqarpoq, tamannalu Aqqaluaq B. Egedep nassuaateqarneranut qulartitsinerulerpoq.
Soraarsitsineq kiffaanngissusermut malittarisassamut uniuuppoq
Henrik Leth nunatsinni inuussutissarsiornermik sivisuumik ingerlataqarpoq. Aningaasaqarnermut naatsorsueqqissaarnermillu immikkut ilinniagaqarsimasuuvoq Sulisitsisunilu pisortaasimalluni.
Henrik Sulisitsisuni siulersuisuini maannakkut siulittaasuuvoq. Aamma Naalakkersuisut Henrik Leth Naatsorsueqqissaartarfiup siulersuisuinut ilaasortassatut pingajussaanik ukioq kingulleq toqqarmanni taama inissisimavoq.
AAMMA ATUARUK Aqqaluaq B. Egede soraarsitsinini pillugu nassuiaavoq
Tamannalu ajornartorsiutertaqarsimappat Naalakkersuisut atorfinitsitsinerminni uparuarsimassagaluaraat, Søren Mørup erseqqissaavoq.
- Siulersuisuni ilaasortamik soraarsitsinermi piginnaasai atorfinitsinneqarneranut sanilliullugit naammakkunnaarsimasutut nalilinngikkaanni allamik tunngavilersuuteqartoqarsinnaanera qularutissaavoq, Søren H. Mørup oqarpoq.
Soraarsitsineq isornartorsiorneqanngaatsiartoq
Tamannalu ajornartorsiutertaqarsimappat Naalakkersuisut atorfinitsitsinerminni uparuarsimassagaluaraat, Søren Mørup erseqqissaavoq.
- Atorfinitsitsinermut sanilliullu allanik nutaanik paasissutissaqalersimanngippat soraarsitsisinnaaneq qularnarpoq. Nutaatut paasissutissaasinnaapput, atuutsiligaq naammattumik piginnaasaqartuunngitsoq paasineqarpat imaluunniit siulersuisuni ilaasortatut pisussaaffimminik naammassinninngippat, Søren H. Mørup oqarpoq.
Soraarsitsineq isornartorsiorneqanngaatsiartoq
Danmarkimi naatsorsueqqisaartarfiup immikkoortuani pisortaasimasup OECD-llu naatsorsueqqissaartarfiani pisortap, Lars Thygesenip soraarsitsineq ’ingasannerarpaa’.
- Inatsimmi allassimavoq, piginnaasat aallaavigalugit ilaasortanik toqqaasoqartassasoq. Siulersuisunilu allani ilaaneq piginnaasanut ajoqusiisinnaanngilaq.
Naatsorsueqqissaartarfiup siulersuisuini siulittaasup, Vøgg Løwe Nielsenip Naatsorsueqqissaartarfiullu pisortarisimasaata Birger Poppelip soraarsitsineq aamma isornartorsiorpaat.