Nunatsinnit sikumit misissugassat sanaartornerluttoqareranit eqqugaasut
Politiken taama allaaserisaqarpoq.
Nunatsinni Sermersuarmit sikut misissugassat, ilisimatusarfiup Niels Bohr Intitutip naqquata-ilua qerititsivimmi minus 28 grademiitinneqarput..
Misissugassat taakku Danmarkimi silap pissusianik ilisimatusarnermi pingaaruteqartuupput.
AAMMA ATUARUK Aasaanerani sila arlalinnik rekordiliiffiusoq
Instituttimili sanaartoqqinnerup ingerlanneqarnera pipallannermik suliarineqarmat tamanna missingersuutigineqartunut milliardilinnik qaangiititsivoq, ammarneqarnissaanullu kinguartitseqattaartoqarluni.
Aamma ilisimatusartut ilaatigut sikumit misissugassanut tunngatillu pilersaarusiorusiorsinnaajunnaarneranik kinguneqartitsimmat, Ilisimatusarfiup sulisuinut 250-iusunut sinniisoq isornartorsiuivoq.
AAMMA ATUARUK Siunissami silap pissusissaa sermersuup nakkutigineqarneranit siulittorneqartoq
Atortummi qerititsinermut atorneqartut avissaartortinnissaat, atortorissaarutillu illumut nutaamut nuutsinnissaat ukiumik ataatsimik sivisussuseqartussaavoq, sinniisoq, Bjarne B. Andresen Politikenimut oqarpoq.
- Taakku ilaatigut sikumik ilisimatusartut uuttortaanerannut atortuupput, pinnerunngitsumillu taakku toqqorsivianni Kalaallit Nunaanneersut sikumit misissugassat kilometerialunnik annertussuseqarpoq, sinniisoq oqarpoq.
AAMMA ATUARUK Sermersuarmi juulimi kiannerpaaffiusoq nillernerpaaffiusorlu qaangerneqartut
Suli aamma Rockefellerimit-katitikkat napparsimmavissuup eqqaanniittoq, sikumit qillerinernik ilaqartoq napparsimmavissuup meeqqanut immikkoortortaqarfeqalernissaanut inissaqartitsinissaq pillugu aamma sanaartorfiuvoq.
Taamaammat ilisimatusartut sikumit misissugassanut nutaamik inissarsiortariaqarput. Tamannalu ilisimatusarnermut kinguneqarsinnaasoq, Bjarne B. Andresen oqarpoq.
- Qaammatisiutinit ukiup affaa ukiorluunniit ilivitsoq peerneqartariaqarpoq. Tamanna pillugu suleqatiginiakkatsinnut tatinanngitsumik inissisimalersinnaanerput ernumassutigaara.
