Nunatsinni Pan Am-ertoqarnissaa nalorninarsisoq

Qaammatit qulit nallerpagit assammik arsartartut suleqataasussallu nunani assigiinngitsuni aqqanilinninngaanneersut 300-ut missaaniittut tikerartussaapput. Amerikap nunavittaani assammik arsarluni nunarsuarmi pissartanngorniunnissamut anngunniuttarneq PAN AM-imik taaneqartarpoq.

AAMMA ATUARUK Naalakkersuisut Pan Am-ip nunatsinni aaqqissuunneqarnissaanut aningaasaliiniartut

 Aningaasalli 5 millionit koruunit missaanniittut amigaatigineqarmata, timersortartullu angallanneqarnissaat suli inissinneqanngimmata Pan Am-ertitsinissaq nalorninartoqarpoq.

- Taamatut inissisimasutut oqaatigisariaqarpoq aningaasat pisariaqartitagut annertugamik suli, tapiissutit pissarsiareriikkatta saniatigut, tamakkiissumik matussuserneqassappata aningaasat pissarsiarisinnaaneranut sponsorininngaanniit isertitassagut qulakkeerniartariaqaratsigit. Taanna maanna immikkuullarissumik suliaraarput. Qulakkeertinnagulu ingerlariaqqinnissarput nalunarluni, Jørgen Isak Olsen, GHF-imi siulittaasoq KNR-mut oqarpoq.

Ilimagisamiik unammillernarneruvoq

Assammik arsaannermi unammersuaarnerit Nuummi ingerlanneqartussanngormat nuannapput, ilimagisamiillu sakkortunerusumik ulapinnerunissartik ilimagisimanngikkaluarpaat.

AAMMA ATUARUK Asii glæder sig til Pan Am i Nuuk

- Naatsorsuutigisatsinninngaanniit assartuinissamut tunngasortaanut kipiluttunartorsiornerujussuuvugut, taamaammat taanna piffissangaatsiaq atorparput, inissinniarsaralugu. Ulloq manna suli tikillugu sulivugut.

Suli neriuuteqarput

Naak unammersuartitsinissaq nalorninartorsioraluartoq tunniutiinnaratik suli ulapputissapput. 

- Sapaatip akunnerata tulliani GHF bestyrelsiani ataatsimiittussaavugut. Tassaani ersarissumik inissisimanerput saqqummiunneqariarpat paasinarsissaaq qanoq issanersoq, Jørgen Isak Olsen naggasiivoq.

AAMMA ATUARUK Pan Am-ertoqarnissaanut assartuinissat aningaasallu amigaataasut