Naja Rosing-Asvid aamma Lene Therkildsen nersornaammut innersuunneqartut
Sverigemi nersornaasiuttakkamut ALMA-mut nunanit assigiinngitsunit 60-init innersuunneqartut 235-usut ilagaat atuakkiortoq assiliartassanillu titartaasartoq Naja Rosing Asvid aamma atuakkanik naqiterisitsisartoq Lene Therkildsen.
Nersornaat svenskit koruuniinik 5 millioninik aningaasartaqartoq atuakkiortumut, assiliartassanik titartaasartumut, oqaluttuartartumut atuarnermillu siuarsaasumut ukiut tamaasa tunniunneqartarpoq.
Naja Rosing Asvidip ilaatigut atuakkiarai 'Aqipi - toornaarannguaq' aamma atuagaq erinarsuutitaqarlunilu nipilersuutitalik 'Nipilersorta!'
AAMMA ATUARUK Meeqqanut atuagaq nutaaq pattagiartalik
AAMMA ATUARUK Sermersuup kulturimik nittarsaasartortaava aajuna
Lene Therkildsen atuakkanik naqiteritsisarfimmik Milik Publishingimik piginnittuuvoq atuarnermillu siuarsaanini meeqqanullu atuakkanik kalaallisut saqqummersitsisarnini pillugit nersornaammut innersuunneqarpoq.
Lene Therkildsen nersornaammut ALMA-mut 2012-imi aamma innersuunneqarpoq.
AAMMA ATUARUK Imaannaanngitsumut innersuunneqarpoq
Kattuffimmi ALMA-meersut nunanit assigiinngitsuneersunik nersornaammut innersuussisinnaasunik toqqaasarpoq. Nunatsinni innersuussisinnaasoq tassavoq Nunatta Atuagaateqarfia, atuakkiortullu marluk nersornaammmut taassumunnga innersuunneqarput.Nersornaammut aalajangiisartut nersornaaserneqartussaq aappaagu marsip 27-ani toqqassavaat, kinaanersorli aatsaat juunip qaammataani nalunaarutigineqassaaq.
Nersornaat ALMA tassaavoq Astrid Lindgren Memorial Award, meeqqanut atuakkiortumut Sverigemiumut tusaamasarsuarmut Astrid Lindgrenimut atsiussaalluni.
AAMMA ATUARUK Meeqqanut kalaallisut atuagaq nutaaq
