Imaannaanngitsumut innersuunneqarpoq
ALMA-mik nersornaasiisarneq - nunarsuaq tamakkerlugu meeqqanut inuusuttuaqqanullu atuakkiornermi akissarsissutaasartunit annersaavoq, Svenskit koruuniinik 5 millionit koruuninik aningaasartaqartoq.
Nersornaat ukiumut ataasiarluni tunniunneqartarpoq atuakkiortumut, titartagartalersuisartumut, oqaluttuartumut imaluunniit atuarnermik siuarsaasumut. Lene Therkildsenilu atuakkanik naqiterisitsisarfiup meeqqanut atuakkanik saqqummersitsisarneratigut, atuarnermut siuarsaasutut innersuunneqarpoq.
Nuummi Nunatta Atuagaateqarfiani meeqqanut immikkoortortap pisortaa Mette Laustsen tusagassiuutinut nalunaarummini allappoq, meeqqat atuarnermik soqutiginnilersinniaraanni, atuakkat meeqqanit paasineqarsinnaanissaat pingaaruteqartoq.
Nammineq oqaatsit atorlugit atuarsinnaaneq atuffatsissinnaanerlu atuarnermik soqutiginnilernissamut ineriartuutaasarpoq. Aamma meeqqat atuakkat ilisarsiffigisinnaasatik pisariaqartittarpaat. Taamaammat kalaaliaqqat atuarnermik soqutiginnilersissagaanni atuakkanik kalaallisuunik aamma oqaluttuanik kalaalerpaluttunik tapersersortariaqarput, nammineq pimittulli isigisinnaasaminnik atuagaateqartariaqarmata.
- Taamaattumik Lene Therkildsenip kalaaliaqqat taamaattunik atuagassaqartinnerisigut sulinera atuarnermik soqutiginnilersitsiniarneruvoq, Mette Laustsen allappoq.
