Folketingimut ilaasortaq: Ullunit erfalasulisaarfissanit pingaarnerusunik suliassaqarpoq
Inuit Ataqatigiit sinnerlugit Folketingimut ilaasortaq Aaja Chemnitz Larsen taama oqarpoq, suliassanilli pingaarnerusunik allanik peqartoq erseqqissaatigalugu:
- Erfalasutta amuneqartalernissaa oqareernittut pitsaalluinnartutut isigaara. Politikkikkulli suliassat pingaarnerit sammineqarsinnaagaluartut aamma isumaqarpunga, Aaja Chemnitz Larsen KNR-imut taama oqarpoq.
AAMMA ATUARUK Erfalasorpassuarnik pisiniartoqarnissaa erfalasuliortartup neriuutigaa
Danskit naalakkersuisuisa kalaallit Danmarkimiittut ajornartorsiortut qanoq ikiorniarneqarnissaannut siunnersuutissaqarnersut Folketingimut ilaasortap ilaatigut ujartorpaa.
- Isumaqarpunga suliassaqarfiit nukingernartut ministeriunermit isiginiarneqarnissaat pingaartueqarluinnartoq.
Aamma atuaruk Kalaallit Savalimmiullu ullorsiorfiii naalagaaffik erfalasulersortalernissamik isumaliuuteqarpoq
Taamaammat suliassaqarfiit arlariit Nunatsinnut sunniuteqartut danskit naalakkersuisuinit isummerfigineqarnissaat Aaja Chemnitz Larsenip neriuutigaa.
Københavnip Universitetiata sipaarniarnerminut atatillugu Eskimologimik ukiormanna ilinniartussanik tigooraannginnissamik aalajangersimanera danskit naalakkersuisuinit qanoq isumaqarfigineqarnersoq tusarusukkaluarpaa.
Taamaammat Aaja Chemnitz Larsen ima kissaateqarpoq:
- Suliassat maanna tigussaasut isummerfigineqartariaqarput. Nalunngilarpummi Pituffik inuiaqatigiinnut kalaallinut aningaasarpassuarnik annaasaqaataasussaasoq Danmarkillu suliami matumani qanoq iliuuseqarsimanersoq aamma nalunarluni, Inuit Ataqatigiit sinnerlugit Folketingimut ilaassortaq Aaja Chemnitz Larsen taama oqarpoq.
