Kalaallit Savalimmiullu ullorsiorfiii naalagaaffik erfalasulersortalernissamik isumaliuuteqarpoq
Aningaasaqarnermut ministereqarfiup naalagaaffimmi atorfeqarfiit erfalasulerfitik kisinnissaannut januarip aqqarnani piumaffigai.
Tamannalu pillugu naalagaaffimmi sipaarniartoqarnersoq oqallisaaleraluarpoq.
Allarluinnarmilli suliaqartoqartoq maanna paasinarsivoq.
Danskit ministeriuneqarfianit ilisimatitsissutigineqarpoq, Savalimmiormiut apriilip 25-ani erfalasulertarfianni, Nunatsinnilu junip 21-ani inuiattut ullorsiorfitsinni Danmarkip oqartussaqarfiisa erfalasulertarnissaannik ministeriuneqarfimmit isumaliutigineqartoq, taamaammallu erfalasut qassit pisiarineqassanersut paaseneqarusussimalluni.
Erfalasulerfiit kisinneqarnissaat Tuluit Nunaanni oqaluttuarineqarpoq, ilaatigut BBC-mit Twitterikkut hashtagikkut #flagstanggate-ikkut allaaserineqarluni.
Nunatsinni Savalimmiunilu oqartussat suliamut ilaatinneqarsimanngitsut, ministeriuneqarfiup ilisimatitsissutigaa.
Erfalasulerfiillu qassiunersut maanna paasineqareerpoq.
Danmarkimi atorfeqarfiit katillugit 534-nik erfalasulerfeqarput, taakkunanilu Erfalasorput siunissami immaqa amuneqartassalluni.
