Kulturi

VIDEO Meeqqat Tasiilamiut Gentoftemiullu takorniuuttut

Imminut ungasikkaluarluni ikinngutigiinneq atasinnaalluarpoq. Tasiilami atuartut ulluni makkunani Danmarkimi Gentoftemi atuaqatigiinnik ikinngutigisaminnik tikeraartoqartut tamatumunnga uppernarsaatissalluarput.

Allattoq Arnaq Nielsen

apriilip 16-at 2015 11:21

Sapakkeralutillu puisip amianik tajaliorput, tasiilamiuaqqallu tikeraatik kalaallisut ilinniartinniarsaraat.

- Nuannertorujussuuvoq, ukiummi affaa takunnginnatta, niviarsiaraq oqaluttuarpoq, nukappiararlu Sigurd illoqarfimmi tikilluaqqusaalluartutut misigisimavoq.

- Ilassiartortarpaannga. Nuanneqaaq, Sigurd oqarpoq.

Aamma atuaruk Tasiilamiunut inussiarnersunut tikeraarneq

Tasiilaq Gentoftelu 1990-imi illoqarfittut ikinngutigiilerput. Ukiarneri tamaasa meeqqat Danmarkimut qaammat ataaseq atuariartortarput Gentoftermiuaqqallu upernaakkut Tasiilamut angajoqqaarsiaqartinneqarlutik ulluni qulini tikeraartarlutik.

Meeqqat ilarpassuisa qatanngutimik angajulliit angajoqqaarsiarisimasaanni najugaqartarput, tamannalu pissutigalugu ilaqutariit ikinngutigiillualersarput, ataqatigiissaarisoq Tulla Andreassen oqaluttuarpoq.