Enoksen: Naalakkersuisoqatigiit tunuliaquteqarpat imaluunniit naamik?
Inatsisartut siulittaasuata, Lars-Emil Johansenip Naalakkersuisullu siulittasuata Kim Kielsenip tamat tutsaanni aaqqiagiinginnerat Naalakkersuisoqatigiinni peqataasunut nalornilersitsivoq.
Partii Naleqqami siulittaasoq Hans Enoksen taama isumaqarpoq.
- Tupinnarpoq Inatsisartut siulittaasuata Naalakkersuisoqatigiit sulinerat apeqqusersulersimappagu, Hans Enoksen KNR-imut oqarpoq.
AAMMA ATUARUK Lars-Emilip partiimi siulittaasua isornartorsiorpaa
Partiillu iluani assortuunneq Naalakkersuisoqatigiit sinnerinut toqqissisimananngitsoq, Partii Naleqqami siulittaasoq, Hans Enoksen, nangippoq:
- Politikkikkut suliniarnermi taanna toqqissisimananngilaq, allaat imatut misinnarluni, tunuliaqutaqarpugut imaluunniit tunuliaqutaqanngilagut?
AAMMA ATUARUK Lars-Emili avissaartuutsitsivoq