Kim Kielsen: Lars-Emili avissaartuutsitsivoq

Siumumi avissaartuunneq pillugu Kim Kielsen KNR-imit apersorparput. Apersorneqarnera allaaserisap qulaaniittoq takuuk.

Siumup siulittaasua, Kim Kielsen, KNR-imit apersorneqarnermini Siumumi pissaaneqarniuuttoqarnera unneqarilluni oqaatigaa. Taamaattoqarneralu partiimut ajoqusiinerarlugu.

Partiip iluani avissaartuunnerit pissaaneqarniuunnerillu, maanna tamanit takuneqarsinnaalertut, Lars-Emil Johansenip siuttuuffigigai Kielsenip oqaatigaa. 

AAMMA ATUARUK Lars-Emilip partiimi siulittaasua isornartorsiorpaa

Aqutsisinnaasumik ujartuisoqartoq

Aviisimi Sermitsiami tallimanngornermi saqqummersumi Siumumi siulittaasussimasup maanna Inatsisartuni siulittaasup, Lars-Emil Johansenip, Kielsenip ersarissumik aqutsinissaa kissaatigalugu oqariartuutigaa. Siumumi aqutsineq ersarinngippallaartoq Johansen isumaqarpoq.

Taamatulli oqariartuuteqarneq iluaqutaanani ajoqusiiginnartoq Siumup siulittaasua isumaqarpoq. 

AAMMA ATUARUK Lars-Emilip Kielsen paragrafimik isornartorsiunnaaqquaa