Eqqumiitsuliortoq atuakkiortorlu Aaju, Kristian Olsen, toquvoq
Kristian Olsen, Aaju ilinniartitsisuuvoq perorsaanermullu qaffasissumik ilinniagaqarluni. Nunatsinni Danmarkimilu ilinniarfinni assigiinngitsunik ukiorpassuarni sulisuusarpoq soorlu kalaallit inuusuttut ineqarfiutigalugu atuarfianni, Ellekildemi pisortatut sulisimalluni taamatullu Kalaallit illuanni Hellerupimiittumi, maanna atorunnaareersumi, pisortaasimalluni.
Kristian Olsen, Aaju eqqumiitsuliortuuvoq suliaalu amerlalluinnarlutik. Aaju aamma atuakkiortuuvoq arlallinnik atuakkiaqarluni. Nunat Avannaamioqatigiit atuakkiortunut nersornaasiuttagaannut, Nunatsinni atuakkiortut peqatigiiffiannit 2010-mi innersuunneqarpoq atuakkiaa 'Kakiorneqaqatigiit' pillugu innersuunneqarluni.
Kristain Olsen, Aaju Finlandimi ukiuni kingullerni najugaqarpoq aasamili Danmarkimi Sjællandip avannaani illumini najugaqartarluni.
Kristian Olsenip, Aajup qimatarai aappani meeqqani marluk ernuttanilu.
