Katuaq tupaallaatigineqartumik sinneqartooruteqarpoq
800.000 koruuninik amigartooruteqarnissaq missingersuutigineqarsimagaluarpoq.
Katuap siorna ukiunik qulinngortorsiornera eqqaallugu Katuami siulersuisut siulittaasuata Anna Heilmannip naatsorsuutit nuannaarutigalugit saqqummiuppai:
- Siulersuisut sinneqartooruteqarneq naammagisimaarluinnarpaat, sinneqartooruteqarneq anguneqarsimasoq, naak siorna nalliuttorsiornerup ukiorisimagaluaraa assigiinngitsunik kusanartunik aaqqissuussaqarfiusimasoq, Anna Heilmann oqarpoq.
AAMMA ATUARUK Kulturhus kede af direktør-exit
Naatsorsuutinik ingerlaavartumik nakkutiginnilluarsimaneq, immikkoortortaqarfinnilu tamangajanni sinneqartooruteqarsimanerit, pingaartumik Cafétuami, sinneqartoorutit anguneqarsimapput.
Katuaq 2018-imi pilersaarut nutaaq periutsillu nutaat aallartisarsimavaat, soorlu aamma kulturikkut illorsuaq juunip aallaqqaataani pisortartaassasoq.
AAMMA ATUARUK Arnakkuluk Jo Kleist Katuami pisortanngortussaasoq
Tele-Postimi attaveqaqatigiinnermut maannamut pisortaq Arnakkuluk Jo Kleist Katuami juuunip aallaqqaataani pisortanngussaaq.
Arnakkuluk Jo Kleist naalakkersuisunit toqqarneqarluni Katuap siulersuisuini siorna 2017-imi ilaasortaalerpoq. Siulersuisuni ilaasortaaffik taanna allamit maanna taarserneqartussanngorpoq.
AAMMA ATUARUK Aviisip tusaamaneqartup Nuuk erseqqissaraa
