Julia Parsip taamaatittussanngornera uggorineqartoq
Julia Parsip taamatittussanngornera tusaatissatut siulersuisunit tiguneqarpoq, 2007-miit pisortaavoq suliniuteqarluarsimaneralu siulersuisut qujassuteqarfigaat.
- Soorunami ajuusaarutigaarput kisianni tassa allatut ajornaqaaq ingerlaqqittariaqarpugut ugguaraluarpugut,
Katuami siulersuisuni siulittaasoq, Anna Heilmann taama oqarpoq.
AAMMA ATUARUK Visit Greenlandip pisortassani Katuami nassaarigaa
Julia Pars Katuami arnani siullersaalluni pisortanngorpoq.
Julia kulturikkut suliniuteqarluarsimavoq. Katuallu ukiormanna 20-nngortorsiorneranni siuttuulluni suliniuteqarsimavoq, tamannalu siulersuisut naammagisimaarluaraat, Anna Heilmann oqarpoq.
- Ukiuni qulini sulinermini sorparujussuit aallartippai aamma aningaasaliisussarsiornerit suliarisarsimallugit, taamaattumik uggornarpoq asoornissaa, siulersuisuni siulittaasoq oqarpoq.
Katuami teknikkikkut pisortaq, Eigil Petersen Katuami februaarip aallaqqaataanit pisortaaninngorallassaaq, Julia Parsillu taartissaanik pissarsisoqarnissaata tungaanut taartaassalluni. Pisortassarsiornissamullu atatillugu siulersuisut pissarsiorniarlutik aallartisareersut, Katuami siulittaasoq aamma oqarpoq.
