Arnakkuluk Jo Kleist Katuami pisortanngortussaasoq
Atorfik taanna ukiorpassuarni pisortaarsimasup Julia Parsip Visit Greenlandimi pisortatut atorfeqalermalli inuttaqanngilaq.
33-nik ukiulik Arnakkuluk Jo Kleist TELE-POST-imi avammut attaveqarnermut 2016-imili pisortaasoq juunip aallaqqaataani Katuami pisortatut atorfeqalissaaq.
Katuap pisortartaassaa AWG2016-p allattoqarfiani piortap tulliatut sulisimasutut ilaatigut ilisimaneqarpoq.
Arnakkuluk Jo Kleist Roskildip Universitetiani Kommunikation og Kultur- og Sprogmødestudiet tunngavigalugu kandidatiuvoq, ilinniagaani piorsarsimassutsimut kinaassutsimullu tunngasuteqartut qitiullutik.
- Siulersuisut Arnakkuluup ulluinnarni ingerlatsinermut akisussaasuulerluni periusissanillu nutaanik suleqatit peqatigalugit ilusilersuilerlunilu pisortatut inginnissaa qilanaarivaat, Katuap siulersuisui tusagassiuutinut nalunaaruteqarlutik allapput.
Arnakkuluk Jo Kleist Katuap siulersuisuinut 2017-imiilli ilaasortaalerpoq, Namminersorlutik Oqartussat toqqagaattut issialluni. Tassanilu issiavia allamik inuttalerneqassaaq, Katuami siulersuisut allapput.