Ilinniarfiup nuunniarneqarnera Kimimmit tupigusuutigineqartoq
Kimik naapertorlugu eqqumiitsuliornermik ingerlatsisut Eqqumiitsuliornermulluunniit ilinniarfiup pisortaa nuusseriataarsinnaaneq pillugu isumasiorneqarsimanngitsut Kimik-ip siulittaasua Lisbeth Karline Poulsen tusagassiuutinut allagaqarpoq.
AAMMA ATUARUK Nuussuinissamik pilersaarut Naalakkersuisuni paatsiveerusimaarutigeqigaat
Kimik isumaqarpoq eqqumiitsuliornermik ingerlatsisut Eqqumiitsuliornermik ilinniarfiup nuunnerata kingunerisinnaasai pillugit isumasiorneqartariaqartut. Taakku ilutigitillugu erseqqissarpaat eqqumiitsuliortut Nuummiittut ilinniarfimmut pingaaruteqarmata nuussinerup eqqumiitsuliortut ineriartornerat killiliiffigisinnaagaa.
- Ullumikkut Nuummi eqqumiitsuliornermik ingerlatsisuusut aalajangersimasumik ilinniartitsisuusarput, taamaalillutilu eqqumiitsuliornermik ilinniartut tamatigoortumik ilinniartinneqarnissaat qulakkeertarlugu, Lisbeth Karline Poulsen taama allappoq.
Taassuma nassuiaatigaa aalajangersimasumik ilinniartitsisuusartut amerlasuut Nuummi najugaqareermata Aasiannut qaaqquneqartassappata tamanna ilinniarfimmut akitsorsaataasinnaasoq. Taassuma saniatigut eqqumiitsuliortut Nuummiittut atorfissaqartinneqarput tassaammata eqqumiitsuliornermik ingerlatsisooreersut, eqqumiitsuliornermik suliffeqarfiit soorlu Nunatta Isiginnaatitsisarfia, eqqumiitsuliornermut katersugaasivik aamma FILM.gl Lisbeth Karline Poulsen taama naggasiivoq.
AAMMA ATUARUK Ernumassutit rektorimit pissutissaqarsorineqanngitsut
AAMMA ATUARUK Udflytning af uddannelser må ikke gå udover kvaliteten
