Politikki Inuussutissarsiutit

KAPP: Qerititsivik ulikkaaqqissaaq tunisinerlu unitsinneqarluni

Royal Greenlandip Kangaamiuni aalisakkanut tunitsiviani qerititsiviup imaasa ilai Royal Arctic Linep umiarsuaraa ullumi tikippat ilanngarneqassapput. Taamaakkaluartoq tunitsivik piffissaq sivikitsoq qaangiuppat matunissaa Kangaamiuni aalisartut naatsorsuutigaat.

Allattoq Jaaku Lyberth

juulip 13-at 2016 08:03

Aamma atuaruk RAL-imi umiarsuuaaqqap assartuutip usigisinnaasai killeqarput, qerititsiviullu imai tamakkerlugit assartorneqarsinnaanngillat.

- Aalisagaqassuseq aallaavigalugu tunitsiviup qerititsiviata imai tamakkerlugit imaarneqanngippata, sapaatip akunnera ataaseq qaangiuppat ulikkaassaaq, tunisinerlu unitsinneqarluni, Kangaamiuni aalisartut piniartullu peqatigiiffianni siulittaasoq Jens M. Lyberth taama oqarpoq.

Aamma atuaruk Kangaamiuni aalisartut tunisisinnaanngitsut

Umiarsuaaqqamik assartuummik immikkut ittumik tikitsisoqarnissaa nuannaarutigineqaraluartoq, tunitsivimmi qerititsiviup ulikkartaarnera - umiarsuaaqqqallu assartuisartut usigisinnaasai killeqarmata ajornartorsiutip aaqqiivineqarnissaa Kangaamiuni aalisartut piniartullu ukiorpassuarni piumasarisarsimavaat.

- Assartuinerup aaqqiivigineqarnissaanut tunitsiviullu qerititsiviata allineqarnissaanut piumasaqaatigut suli attappagut, Jens M. Lyberth oqarpoq.

Royal Greenlandip nittartagaani atuarneqarsinnaavoq, Kangaamiuni tunitsivup qerititsiviani aalisakkannut 30 tonsinut inissaqartoq. Kangaamiunilu aalisartut piniartullu peqatigiiffiata oqarnera naapertorlugu tamana naammanngilaq. Qerititsiviup allineqarnissaa assartuinerullu akulikinnerusumik pisarnisaa peqatigiiffimmit qangali kissaatigineqartarsimavoq.

Kangaamiuni Aalisartut Piniartullu peqatigiiffianni siulitaasoq Jens M. Lyberth taama oqarpoq.
Aalisakkanik tunitsvimmi ajornartorsiut pillugu Naalakersuisut akuliuttariaqartut Kangaamiuni aalisartut aalajangiusimavaat.

Aamma atuaruk RAL-ip Kangaamiuni qerititsivik imaarniaraa

Kangaamiuni tunitsivimmi pissutsit pillugit Aalisarnermut Piniarnermut Nunalerinermullu Naalakkersuisoq Nikolai Jeremiassen oqaaseqarusunngitsoq naalakkersuisoqarfik KNR-imut mailikkut allappoq, erseqqissaatigineqarlunilu,

- Nikolaj Jeremiassen qanoq iliuuseqarsinnaanngitsoq suliffeqarfissuit Royal Greenland aamma Royal Arctic Line tunisassiornerit assartuinerillu aqutarimmatigit, issuaaneq naaavoq.
Kangaamiunit aalisartut piniartullu peqatigiiffiat partiinut inatsisartunut ilaasortaatitaqartunut allagaqarniarpoq, tunitsivimmi pissutsit inatsisartuni oqaluuserineqarnissaa pillugu.