RAL-ip Kangaamiuni qerititsivik imaarniaraa
Royal Arctic Linep umiarsuaanik assartuummik Kangaamiunut immikkut ittumik angallassisoqalerpoq, Royal Greenlandip aalisakkeriviata qerititsivia ulikkaaqqaasup imaata ilaanik assartuiartorluni.
Allattoq Jonas Fievé, Jaaku Lyberth
juulip 12-at 2016 11:52
Qerititsiviup ulikkaaqqanera pissutigalugu aalisakkanik tunisineq tallimanngormat matuneqarpoq, tamannalu aalisartut tunisisinnaannginnerannut pakatsinarsimavoq.
Royal Arctic Linep umiarsuaataasa ingerlaarfii naapertorlugit, umiarsuaq Kangaamiunut tikittussaq tulleq tallimangornermi sapaatip akunnerani tulliuttumi aatsaat tikitussaaluarpoq.
Aamma atuaruk Kangaamiuni aalisartut tunisisinnaanngitsut
Royal Arctic Linelli umiarsuaaraa nunaqarfinnut angalasartoq Aqqaluk Ittuk Nuummiit ullumi aallarpoq, Kangaamiunullu aqagu tikissalluni.
Royal Arctic Linemit KNR-imut tamanna uppernarsarneqarpoq, Royal Arctic Line-imiillu aamma uppernarsarneqarpoq Royal Greenlandilu attaveqatigiissimallutik.
