Assi: GBU

Kalaallit Kroatiami futsalimik unammiuaarnissani peqataanianngitsut

Futsalimik VM-ertoqarnissaanut piareersaataasumi aningaasassaqannginneq pissutaalluni kalaallit peqataassanngitsut GBU aalajangerpoq.

Kalaallit futsalimik nunanut allanut unammisartui Nordic Cupimi takutitsilluaqaat. Tassami Norgimut 4-3-mik ajugaapput Finlandimullu muminnerup aappaani aamma ajugaallutik. Takutsilluarnerat maluginiarneqarsimavoq, kingunerisaanimmi Kroatiami januarimi pisussamut VM-imut piareersaataasumik unammiuaarnissamut qaaqquneqaraluarput. Kalaallit VM-imut peqataasussaanngikkaluarlutik qaaqquneqarnikuupput.

Kalaallit Nunaanni Arsaattartut Kattuffiata, GBUp, kalaallit peqaannginnissaat marlunnik peqquteqarnerarpaa. Siullertut arsaattartutta arsaanneq inuussutissarsiutiginngilaat, ilinniartuuppummi suliffeqarlutillu. Aappaattullu angalanerup akisunera pissutaavoq. 

GBU-mi siulittaasoq taama ilisimatitsivoq. 

- Arsaattugut aamerlasuut juullikkunni ilaquttatik ornillugit aallartussaasut ilisimavarput. Aamma ilinniartuupput atorfeqarlutillu. 
- Allatuulli sapaatip akunnerini tallimani sulinngiffeqartarput. Sulinngiffitsillu annerpaartaat arsaannermut atortarpaat, tassa futsalimi silamiluunniit arsaannermi pissartanngorniunnerni nunanullu allanut unammigiarnerni. Taakku aamma nalilersuinitsinni eqqarsaatersuutigaagut, GBU-p siulittaasua John Thorsen KNR-imut oqarpoq. 

Taanna isumqarpoq Kroatiamukarnissaq pissarsiaqarfigissagaanni piareersarnissaq sivikippallaartoq. Krotiamummi qaaqqusaaneq decembarimi pivoq kalaallillu peqataassagunik qaammat ataasiinnaq piareersarnissamut aningaasaliisussarsiornissamull atussavaat. 

- Ukiup naanerani aningaasaliisussarsinissaq ajornartarpoq, tassami aningaasaateqarfiit aningaasaliisartullu ukiumut aningaasaataat atorneqareertarmata, Thorsen oqarpoq. 

Unammiuaarneq alla orniginerugaa

GBU-p siulittaasuata unammiuaarneq nunanit assigiinngitsunit sisamanit marsip aprilillu missaanni peqataaffigineqartussaq Tjekkiamit aaqqissuunneqarluni pisussaq piviusorsiornerusutut isigaa. 

- Tjekkiami aaqqissuussaq peqataaffiginissaa piviusorsiornerusoraara. Taamaaliussaguttali suleqatissatsinnik isumqatigiissusioqqaartariaqarpugut. Elite Sport Greenland suleqatissat ilagisinnaavaat, John Thorsen oqarpoq. 

Taassuma aamma oqaatigaa kalaallit futsalimik ineriartussappata sapinngisamik unammisaqattaartariaqartut, taamaaliornikkummi aatsaat ineriartortoqarsinnaammat. 

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!