Jakob Sivertsenip eqqartuussut suliassanngorteqqutaa itigartitsissutigineqartoq
Jakob Sivertsen septembarimi eqqartuunneqarpoq, taassuma nuliami soraluaa 29-nik ukiulik Tasiilami januaarip qaammataa ukioq manna aallaallugu inuartaraa.
Sermersuup eqqartuussiviata politikeriusimasup illumi eqqaani pinerluuteqarnera pillugu ukiuni arfinilinni pinerluuteqarsimasunut inissiisarfimmiittussanngorlugu eqqartuuppaa.
Jakob Sivertsenip eqqartuussinerup kingorna suliaq nunatta eqqartuussisuuneqarfianut suliassanngortippaa, eqqartuussissuserisuatalu ukiunik arfinilinni pineqaatissinneqarneranik annikilliinissaq tunngavilersuuteqarfigaa.
Nunattali eqqartuussisuuneqarfiata tamanna itigartitsissutigaa, Sermersuullu eqqartuussiviata eqqartuussutaa aalajangersarlugu. Sivertsenip eqqartuussissuserisua, Ulrik Blidorf KNR-imut paasissutissiivoq.
Toqutsineq pillugu suliaq pillugu uani atuagaqarsinnaavutit.
AAMMA ATUARUK Borgmesteriusimasoq inatsisartunilu ilaasortaasimasoq inuarsimasutut pineqaatissinneqartoq
29-nik ukiullip toqutaanerata nalaani Tasiilami innuttaasut marluk imminut toqupput. Alianartumik pisoqarneri illoqarfimmi aliasutsitsingaatsiarput. Kommuneqarfik Sermersuup upalungaarsimasuutitani borgmester Asii Chemnitz Narup ilanngullugu illoqarfimmut alianartorsiorfiliartippai.
AAMMA ATUARUK Kriseberedskab i Tasiilaq får ekstra hjælp fra Nuuk
AAMMA ATUARUK Borgmesterip upalungaarsimasuutitat Tasiilaliaqatiginiarai
AAMMA ATUARUK Tasiilami alianartumik pisoqarnerata kingorna ikumatitalerluni ingerlaaqatigiittoqarpoq