ASSIT Tasiilami alianartumik pisoqarnerata kingorna ikumatitalerluni ingerlaaqatigiittoqarpoq
Ingerlaaqatigiinneq kommunip allaffiata silaataani katersuunnermik naggaserneqarpoq, tussiaqatigiittoqarluni niviarsiaqqallu aqqanilinnik ukiullip angajuni imminut toqussimasoq naammattoorsimasani pillugu oqaluttuarluni.
- Innuttaasut malugisinnaavakka imminut toqunnerit aamma toqutsineq eqqartortorujussuugaat, aamma attaveqaqatigiittarfimmi Facebookimi oqallisigineqaqisoq malunnarpoq tamannalu pillugu nunaqqataasut aalassassimaqisut, Najugakkani ataatsimiititaliami siulittaasoq Ole Nûko taama oqarpoq.
Ingerlaaqatigiit kommunit allaffiata silataani katersuunneranni niviarsiaqqap aqqanilinnik ukiullip angajuni
imminut toqussimasoq naammattoorsimasani pillugu oqaluttuarpoq.
- Niviarsiaqqap aqqanilinnik ukiullip angajuni imminut toqussimasoq naammattoorsimavaa, tamannalu kommunip allaffiata silataani katersuuttoqarnerani najuuttunut oqaluttuaraa, tassanilu najuuttut niviarsiaraq qiaqatigalugu, Ole Nûko taama oqarpoq, taanna isumaqarpoq ajornartorsiutit pinaveersaartinneqarnissaannut annerusumik iliuuseqartoqariaqartoq
- Tarnip pissusaanik ilinniarsimasut Tasiilami saqqumineruleraluarpata, Tasiilami innutaasunut iluaqutaasinnaavoq aamma innuttaasut imigassartaqanngitsumik katersuunneranni oqallitsitsinerit amerlanerusut aaqqissuunneqarpata tamassuma iluaqutaanissaa qularutiginngilara, Ole Nuko oqarpoq.
Imigassat tuniniarneqartarnerisa matuneqarnissaannik inatsisartunut ilaasortap Mala Høy Kúkop siunnersuuteqarnera Ole Nûkop isumaqatiginngilaa, soorluttaaq innutaasut amerlasuut aamma isumaqatiginngikkaat
- Imigassat matoqqanerisa kingorna qanoq pisoqartarnersoq innuttaasut ilikkarnikuuaat, taamaattumik amerlanerusut kissaatiginngilaat imigassap matoqqatinneqarnissaa, Ole Nûko oqarpoq.
AAMMA ATUARUK Upalungaarsimasuutitat Tasiilamut ikiuukkiartortut
Tasiilami imminut toqunnerit marluk toqutsinerlu attaveqatigiittarfimmi Facebokimi oqallinnermik annertuumik pilersitsisoq Ole Nuko isumaqarpoq. Tasiilami innutaasut eqqugaasut pillugit oqallittoqartariaqartoq Ole Nuko isumaqarpoq.
Tasiilami alianartumik pisoqarnera pillugu Kommuneqarfik Sermersuumi borgmesteri Asii Chemnitz Narup ataasinngornermi Tasiilamukarpoq.
Tasiilami imminut toquttarnerup pinaveersaartinneqarnera naammanngitsoq Ole Nûko isumaqarpoq. Imminut toquttartut amerlavallaarput tarnip pissussaanik ilisimasalimmik Tasiilami atorfinitsitsisoqarnissaanik Ole Nuko ujatuivoq.
AAMMA ATUARUK Borgmesterip upalungaarsimasuutitat Tasiilaliaqatiginiarai
