'Grønlænderstiv' danskit oqaasiinut pisortatigoortumik ilanngunneqartoq

'Grønlænderstiv'-imik oqartoqartarnera (kalaallisut aalakoorsuaartoq, aaqq.) tallimanngorpat atuutilersumik danskit oqaasiinut pisortatigoortumik ilaalissaaq. Det Danske Sprog- og Litteraturselskab taama aalajangiisimasoq, TV2 allappoq.

Oqariaaseq taanna nikassaarpaluttuuvoq isummanillu pigiliutiinnakkanik pissuteqarluni. Tamanna amerlanerit isumaqatigaat, taamaakkaluartorli tallimanngorpamit pisortatigoortumik danskit oqaasiinut ilangunneqartussanngorpoq.

Danmarkimi oqaatsinik ordbogimut ilanngussisoqaraangat oqariaatsit isumaat apeqqutaaneq-ajorput. Ordnet.dk-mi aaqqissuisoqarfimmi pisortaq, Lars Trap-Jensen, taama nassuiaavoq.

- Oqaatsit isummanik pigiliutiinnakkanik tunngaveqartunik ilikkaarput, tamanna avaqqunneqarsinnaanngilaq. Taamaattoq oqaatsit assersuutigalugu 'grønlænderstiv'-itut ittut nikassaarpaluttutut paasineqartarnerat mianersoqqussutiginiarsarivarput,  TV2-mut taama oqarpoq.

Ordbogimi oqariaatsimut grønlænderstivimut nassuiaateqarnera innersuussutigaa. Svenskerstiv aamma taamaaqataanik isumaqartinneqarpoq.

Nassuiaammi ilaatigut atuarneqarsinnaavoq oqariaaseq nikassaarpaluttuusoq pisoqalisimasorlu, Kalaallit Nunaanni imigassamik atuineq ukiuni kingullerni 20-ni milliartupiloorsimammat.

Danmarkimi kalaallit peqatigiiffiisa 23-iusut kattuffiata Inuit oqariaatsip 'grønlænderstiv'-ip ordbogimut ilanngunneqarnera isornartorsiorpaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!