Erfalasulisaarfissat pillugit ilassinninnermut peqataajumanngitsoq
Løkkep suliniutigisaa qujageqqusaarutaannaanerarlugu Magni Arge tusagassiorfinnut nalunaaruteqarluni allappoq.
- Pissutsit soqutaanngivissut nalliuttorsiutiginiarlugit ilassinninniarluni ullut tamarluinnaasa aggersaasoqartarpoq. Uanga takkutissaguma immikkut illuinnartumik pisoqartariaqarpoq, Magni Arge oqarpoq nangillunilu:
- Matumanilu taamaattoqanngilaq. Immikkut ittuussagaluarpoq Savalimmiut OL-ertoqarnera namminneq erfalasuminnik atuisinnaanngortitaagaluarpata. Taava ministeriunerup qaaqqusinera qujarutikutsuussagaluarpara, Magni Arge taama allappoq.
Aamma atuaruk Naalagaaffeqatigiinnermi erfalasuliiffissanik pisortatigoortunik akuerineqarpoq
Ministeriunerup Savalimmiut erfalasuannik erfalasulisaarfissatut juulip 29-anik toqqaasimanera aamma iluarinngilaa.
Savalimmiut namminerisaminnik erfalasoqalernissaat danskit Savalimmiuni amtsmandiata 1940-imi akerlilersorpaa. Taamaakkaluartorli erfalasortaarnissaq 1940-mi apriilip 25-ani akuersissutigineqarpoq.
Ulloq taanna piukkunnarnerpaagaluarpoq, ministeriunerulli tamanna ataqqiumarpasinngilaa, Magni Arge taama isumaqarpoq.
Aamma atuaruk Folketingimut ilaasortaq: Ullunit erfalasulisaarfissanit pingaarnerusunik suliassaqarpoq
AAMMA ATUARUK Erfalasorpassuarnik pisiniartoqarnissaa erfalasuliortartup neriuutigaa
Aamma atuaruk Kalaallit Savalimmiullu ullorsiorfiii naalagaaffik erfalasulersortalernissamik isumaliuuteqarpoq