VIDEO Canadami qimussertartut piviusulersaarut nutaaq kamaatigigaat
Filmi British Columbiami filminik festivalertitsinermi decembarip pingajuani takuteqqaarneqartussaavoq.
Canadamili Alaskamilu qimussertartut filmip takuteqqaarneqarnissaa unitsinniarsaraat, isumaqaramik qimmit qimuttut qanoq paarineqartarnerat filmimi eqqortumik takutinneqanngitsoq.
Soorlu qimmillit ilaata CBC Newsimut oqaatigaa, "qimmivut nuannareqaagut paarilluarlugillu.
Filmi ilitsersuisartup Torontomeersup Fern Levittip, filminik assortuussutaasarsimasunik allanik suliaqarsimasumit suliarineqarpoq.
Uumasut pisinnaatitaaffiinik suliniuteqartut arlallit qimussimik sukkaniuuttarnerit inerteqqutigineqalernissaat maanna sulissutigaa,t nittartakkatigullu sunniiniutiminni allapput qimmit "aniguisinneqartariaqartut".
Filmi nutaaq taamatut suliniuteqarnerup ilaatut isigineqarsinnaavoq. Filmip siulequtaa ataani isiginnaarneqarsinnaavoq: