TB-p ilisarinissaanut pikkorinnerulertut

Ukioq kingulleq 61-t sakiallupput, taakkualu ukiup siulianiit 81-usuni tassa ikinnerupput. Eqqugaasut ikiliartorneranni Nunatsinni nakorsaaneqarfimmiit  arlalinnik peqqutissartaqarsorineqarpoq. 

- Sakialluutip paasinissaanut ilisarinissaanullu pikkorinnerulersimavugut. Tamanna sakialluutillit ikiliartornerannut peqqutaasoraara , Paaqqutarinninnermut tunngasuni Nunatsinni nakorsaaneqarfimmi siunnersorti Rikke Bruun De Neergaard taama oqarpoq.

AAMMA ATUARUK Tuberkulosertut aatsaat taama ikitsigisut

Eqqortumik katorsaassagaanni sakialluutip ilisarnaataanik inuit ilisimasaqarnissaat peqqinnissaaqarfimmiullu sunik misissuisarnissaminnik ilisimasaqarnissaat pisariaqartoq, taassuma erseqqisarpaa.

Sakialluttut ikiliartoraluartut suli nungutivinneqassaanut ungasittoq, siunnersorti isumaqarpoq:

- Nappaat imaaliallaannaq nungunnavianngilaq. Nungunnissaanut sivisuumik uniffeqanngutsumillu iliuuseqarnisaq pisariaqarpoq.

Nappaat 90-ikkunni nungussorineqaraluarpoq. Sakialluttoqartaleqqipporli, taamaalimmallu nuna tamakkerlugu iliuusissatut pilersaarutit assigiinngitsut najooqutarineqartarput. Periusissiassaq nutaaq maanna tusarniaassutigineqarpoq, taannalu periusissiat pingajorivaat.

AAMMA ATUARUK Alt for mange er smittet med tuberkulose

Periusisiassami iliuusissat amerlanerussasut, Rikke Bruun de Neeergard oqarpoq.   Tassani Peqqinnisaqarfimmi sulisut innuttasunut sakiallulersinnaasunut orniguttasallutik.

- Sakialluttut , naammattoorsimangisavut amerlanerusut nassaarnerulissagivut, ilimagaarput, Rikke Bruun de Neergaard taama oqarpoq. 

Tallimanngorpat nunarsuaq tamakkerlugu sakialluttut ullorissavaat, tamannalu immikkut malunnartinneqassalluni. Nunatsinnilu assigiinngitsunik sakialluut pillugu paasissutissiisunik aamma sammisassaqartitsisoqassaaq.