Tuberkulosimik nappaatillit amerlavallaarput

Tuberkulose suli atugaavallaaqimmat, Kommuneqarfik Sermersooq paasititsiniaalluni aallartippoq. 

-Sakialluummi napaat taana bakteeria tunilaattartoq tamani suli piuvoq, taamaattumik paasissutissat pingaarutillit taavalu pitsaaliornissaanut paasissutissat iliuusissat kikkut tamarmik eqqumaffigissagaat pingaaruteqartorujussuuvoq. 
Kommuneqarfik Sermersuummi Peqqinnermut Susassaqartitsivimilu siunnersorti, Eva Kirkegaard, taama oqarpoq. 

TB bakteeriaavoq nuak aqqutigalugu tunnillaassuuttartoq. Tassa silaannarmut quersoruit, qiseruit tangajoruilluunniit tunillaasinnaavutit.  
Tuberkulose puanniikkajunnerusarpoq, kisianni aamma timip sinnera eqqorsinnaallugu. Tunillatsissimanermi quersorneq, aattalmmik quersorneq, sanigorneq, nerisaataajarneq kiaqarnerlu malunnaataasarput.  
Tuberkulosemik nappaateqarneq taamaallaat aaversinnikkut, tarrarsortinnikkut imaluunnit nuammik misissortinnikkut paasineqarsinnaavoq. 
Nappaammi ima siammarsimatigivoq nuanarsuarmi nappaatini toqussutaanerpaasartuni tullilluni. HIV toqussutaanerpaasarpoq.
 Paasititsiniaaneq nappaatip tuniluukkunnaaneranik kinguneqassasoq Eva Kirkegaard neriuppoq. 

- Kikkut tamarmik tuberkulosemik paasisaqarnerugunik sukkanermik pitsaanermillu angusassaqassagatta.