Aarsleff: Kiffartuussinissamik isumaqatigiissut uagutsinnut tunniunneqartariaqarpoq

Suliffeqarfiup Exelis Servicep Pittuffimmi kiffartuussinissamik isumaqatigiissutaata atorsinnaannginneranik Amerikami eqqartuussivimmi aalajangiinerup suliassanngorteqqinneqarnissaanut periarfissap ulluani kingullermi, Per Aarsleff A/S-imit taama oqaaseqartoqarpoq.

Suliffeqarfiup Per Aasleff A/S-ip pisortaanerata Ebbe Malte Iversenip isumaa naapertorlugu, suliffeqarfiup Per Aasleff A/S-ip Pituffimmi kiffartuussinneq piaartumik tigusariaqaraluarpaa.

- Amerikamiut oqartussaasuisa suliassaq uagutsinnut tunniuttuuppassuk tulluarnerussagaluarpoq, sulilffeqarfiup Per Aarsleffip pisortaanerata, Ebbe Malte Iversenip, oqarnera naapertorlugu, Pituffimmi kiffartuussinnissamut siorna ukiakkut neqerooruteqartoqartoqarmat, Per Aarsleff A/S neqeroorutigineqartuni pitsaanerpaap tulleraa.

Aamma atuaruk Exelis Service suliassanngortitseqqiivoq

Neqerooruteqartoqarmat Exelis Servicesip neqerooruteqarnera pitsaanerpaasimavoq, taannalu USA-mi eqqartuussivimmi Federal Court of Claimsimi atorneqarsinnaanngitsutut aalajangiffigineqarpoq, sulilffeqarfiup piginnittua amerikamiuummat.

Akigitinneqartut tamanut saqqummiutereerput

Taama aalajangiisoqarnera Exelis Servicesip suliassanngorteqqippaa. Tamannalu ima kinguneqartariaqanngilaq nutaamik kiffartuussinissamut neqerooruteqartoqarnissamik, Ebbe Malt Iversen isumaqarpoq.

-  Pissutsit assigiinngitsut pissutigalugit Amerikami oqartussaasut piffissamik maannakkut atuisaqariaqarsinnaapput.

Aamma atuaruk Utaqqiisaasumik isumaqatigiissuteqarnissaq GC-p nuannaarutigaa

-  Periarfissaqartoq paasivarput, periarfissaq uagut isumarput naapertorlugu tamakkua pillugit periuserineqartartut nalinginnaasut isumagisinnaagatsigit, Ebbe Malt Iversen oqarpoq.

Taassuma ilanngullugu oqaatigaa, nutaamik neqerooruteqarnissaaq tulluartuunngitsoq neqorooruteqarnissamut akigitinneqartut ilaat tamanut saqqummiunneqareermata. Suliffeqarfik Aarlseff A/S kiffartuussinissamik isumaqatigiissutip neqeroorutigineqarnissaanut piareersimasoq Ebbe Malt Iversen oqarpoq.

Suliffeqarfik Per Aarsleff A/S Kalaallit Nunaanni sulianik arlaqartunik maannakkut ingerlataqarpoq taakkununnga ilaalluni Nuummi umiarsuarnut talittarfissaq.

Aamma atuaruk Pituffimmi kiffartuussinissamik isumaqatigiissut US Air Forcep sivitsorusukkaa

Exelis Servicesip eqqartuussivimmut suliassanngortitseqqiinera Amerikami oqartussaasut takoqqaassavaat.

Greenland Contrators I/S-ip  Amerikamiut sakkutuuisa timmisartortuinik kiffartuussinissamik isumaqatigiissuteqarnini sivitsorallarpaa.