Kulturi

ASSIT DR-ip meeqqanut ammartakkamit isertitai Nepalimi meeqqanut suliniutinut atorneqassapput

Prins Joachim DR-ip ammartagaata pisortatigoortumik saqqummersinneqarneranut peqaaavoq, ammartagaq Københavnimi atuarfiit ilaanni Ørestad Skole, Amagerimiittumi, saqqummersinneqarluni.

Allattoq Camilla Dam

oktobarip 05-at 2015 13:26

Nutserisoq Erna Lynge

- Juulliaqqamisut pissangatingaanga, DR napertorlugu Prins Joachim taama oqarpoq, meeqqat ammartagaat Børnenes U-landskalender siullerpaaq Københavnimi ilasseqatigiinnermi tunniunneqarmat.

Ammartagaq DR-ikkut meeqqat malinnaaffigilerpassuk, ammartakkamiit aningaasat sinneqartoorutigineqartut CARE Danmarkip Nepalimi Himalayap meerartaanut suliniummut iluaqutaassapput. Pisortatigoortumik ammartakkap saqqummiuteqqaarnerani prins Joachim CARE Danmarkimut illersuisutut tiguseqqaartuuvoq.

Aamma atuaruk VIDEO "Tidsrejsen"-imi inuttaq pingaarneq nalaatsornerinnarmik ilaavoq

Ammartakkap tunisaanerani siorna sinneqartoorutaasut 4.780.167 koruunit Zambiami meeqqanik atugarliortunik ikiuinermut atorneqarput.

Naak decembarip 24-inngornissaanut ammartagaqarneq qaammatip aallartinnerani pisaraluartoq, ammagassat 48-put. Meeqqanut U-landskalenderi siornatut marlunnik ullorsiutitaqarpoq - ataaseq meeqqanut mikisunut Ramasjangimik isiginnaartartunut aappaalu meeqqanut anginerulaartunut.

DR 1 -mi ukioq manna Absalonip Isertugaataa 2006-imeersoq malinnaavigineqarsinnaavoq, Ramasjangip isiginnaartartuminut ammartakkani Nissebanden 1984-imeersoq aallakaateqqittarniaraa.

Meeqqanut ammartagaq pisarnertut Grønlandsbanken aqqutigalugu tuniniarneqassaaq. Oktobarip naalerneraniit tuniniarneqalissaaq, 45 koruuneqarlunilu, aningaasat akiliutigineqartut tamarmik Nepalimi meeqqanut tutsinneqassapput.