Issittormiut pisinnaatitaaffii ataqqineqarlik

Kalaallit Nunaata Issittumi Siunnersuisoqatigiinni oqaaseqarsinnaatitaalluni inissisimanera pingaartippaa aamma tamatuma attatiinnarneqarnissaa naatsorsuutiga.

 - Issittumi siunnersuisoqatigiit aallartinneraniilli Kalaallit Nunaat sulinermi aalajaalluni suleqataavoq.
- Issittumi najugaqarfigisatsinni aalajangiisarnerit ilusilersorneqarnissaannut ikiuunnissarput peqataanissarpullu uagutsinnut pingaaruteqarput, Vittus Qujaukitsoq oqarpoq.

Issitumi  qaangaaniilli inooriaatsit silap pissusiata allanngoriartorneratigut sunnerneqarmata taassuma aamma tikkuarpaa.
-  Issittumi silap pissusiata allanngoriartorneratigut periarfissaalersut, aningaasarsiornikkut nutaamik periarfissiisut, Naalakkersuisuni tamakkiisumik atorluarneqarnissaat qulakkeerusuppaa, Vittus Qujaukitsoq oqarpoq.

Periarfissannik nutaamik atorluaaneq

Tassani pineqarlutik takornariartitsineq, nunalerineq, uuliamik ujaasinerit aamma erngup nukinga atorlugu suliffissuaqarnikkut ineriartortitsineq.

Vittus Qujaukitsup aamma ilanngullugit eqqaavai, atortussat Issittumi pissarsiarineqarsinnaasut atorlugit kalaallit piniartuisa periaasitoqqat ineriartortissimagaat.

- Puisinniartarnerit - aaffanniartarnerit, tuttunniartarnerit umimmanniartarnerit aamma nannunniartarnerit kinaassutsitsinnik inuunitsinnillu aalajangiisuupput. pingaarutillit.

Nungusaataanngitsumik piniarneq inerteqqutaassanngitsoq taassuma innersuussutigaa.

 - Ataatsimut isigalugu Issittumi avatangiisinik mianerinninneq aningaasarsiornikkullu ineriartorneq  eqqarsaatigalugit ingerlanneqassasoq Qujaukitsup erseqqissaatigaa.

-   Issittumi inuit kissaataat pisariaqartitaallu Issittumi ineriartornermi aallaavigineqassapput.

- Taamaattoqanngippat kukkusoqarsimassaaq, Vittus Qujaukitsoq, Issittumi Siunnersuisoqatigiit ministeriisa ataatsimiinneranni oqalugiarami taama oqarpoq.